Rasija, Uels i Italija vyjhrali svaje matčy ŭ čarhovy dzień Jeŭra-2020
Futbalisty zbornaj Rasii vyjhrali ŭ finskaj kamandy z vynikam 1:0. Rasijanie vałodali inicyjatyvaj na praciahu ŭsioj hulni. Adnak im doŭha nie ŭdavałasia zabić hoł, i tolki ŭ kampiensavany čas pieršaha tajma Alaksiej Mirančuk adkryŭ lik.
Futbalisty Uelsa abyhrali kamandu Turcyi ź likam 2:0 u matčy čempijanatu Jeŭropy. Heta druhaja paraza turkaŭ na ciapierašnim turniry.
Valijcy pad kiraŭnictvam kapitana Bejła pravodzili vostryja kontrataki, i na 42-j chvilinie Aaran Remzi adkryŭ lik.
Paśla pierapynku turki šmat atakavali, adnak adyhracca im nie ŭdałosia. Na 60-j chvilinie Haret Biejł mieŭ šaniec padvoić vynik, ale nie realizavaŭ pienalci. A na 5-j kampiensavanaj chvilinie kropku pastaviŭ Konar Robierts, jaki zamknuŭ pieradaču Hareta Bejła.
U apošnim matčy dnia italjancy byli macniejšymi za šviejcarcaŭ — 3:0.
Na 26-j chvilinie Bierardzi nizam prastreliŭ u varatarskuju, a Łakatelli idealna padstaviŭ nahu.
Na 51-j chvilinie Łakateli zrabiŭ dubl. Bliskučy daloki ŭdar z radyusa štrafnoj — miač palacieŭ u nižni kut.
Na 89-j chvilinie vyznačyŭsia Imabile, jon zabiŭ mietraŭ z 20.
Kamientary