Žurnalisty źviartajuć uvahu na zatrymki ŭ pracesie vakcynacyi i toje, što pry hetym kraina nie karystajecca dapamohaj ad mižnarodnaj inicyjatyvy Covax, jakaja spryjaje raspaŭsiudu vakcyn.
Vialikaje francuzskaje vydańnie Le Monde pryśviaciła 27 červienia artykuł situacyi z supraćkavidnaj vakcynacyjaj u našaj krainie. U tekście źviartajecca ŭvaha na toje, što biełaruskija ŭłady namahajucca paskoryć tempy vakcynacyi, ale pry hetym jany sutykajucca ź vielizarnaj chvalaj niedavieru z boku hramadstva. Usio heta, padkreślivajuć francuzy, adbyvajecca na fonie padaŭleńnia paŭstańnia suprać dziejučaj ułady.
Aficyjnyja danyja śviedčać, što pa stanie na 26 červienia bolš za 837 tysiač biełarusaŭ užo atrymali pieršuju dozu pryščepki, i amal 552 tysiačy byli pryščeplenyja dvojčy. Kali paličyć, što nasielnictva krainy składaje zaraz 9,3 miljony čałaviek, my majem adpaviedna 8,9% pryščeplenych adnoj dozaj i 5,9% - pryščeplenych dvojčy. U paraŭnańni ź inšymi krainami, za vyklučeńniem susiedniaj Ukrainy, heta davoli nizkija ličby.
Biełaruś — adzinaja z krain Uschodniaha Partniorstva Jeŭraźviaza, jakaja nie skarystałasia mahčymaściu atrymać dadatkovuju kolkaść supraćkavidnych vakcyn. Dadadzim, što tekst na Le Monde źjaviŭsia da taho, jak 28 červienia naša kraina całkam spyniła svoj udzieł va Ŭschodnim Partniorstvie.
Inšyja charakternyja rysy pandemii kavidu ŭ Biełarusi — poŭnaja adsutnaść strohich mier achovy zdaroŭja z pačatku pieršaj chvali kavidu. Žurnalisty źviartajuć uvahu i na ličbu śmierciaŭ ad chvaroby, jakaja, pa aficyjnych danych, roŭnaja 3113 śmierciam — niahledziačy na toje, što, pa infarmacyi ź niezaležnych ŚMI, hetaja ličba pavinna być vyšej.
Zaraz u biełaruskaj prahramie vakcynacyi ŭdzielničajuć dva preparaty — kitajski Sinopharm, jaki pastaŭlajecca ŭ ramkach padtrymki Biełarusi Kitajem, i rasijski Sputnik V. Apošniaja z vakcyn vykarystoŭvajecca ŭ našaj krainie čaściej za kitajskuju, tamu Biełaruś u płanie vakcynacyi nadta zaležyć ad Rasii.
Pradpryjemstva «Biełmiedpreparaty» ŭ krasaviku pačało vytvorčaść biełaruskaha Sputnika, ale nasamreč jano maje prava ažyćciaŭlać tolki apošniuju fazu vytvorčaha pracesu — raźliŭ vakcyny ŭ fłakony. Sam preparat, jaki raźlivajuć na biełaruskim pradpryjemstvie, dahetul vyrablajecca ŭ Rasii.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary