Litoŭski biznesmien Mindaŭhas Marciniakvičus ličyć pamyłkaj prychod u Biełaruś i razhladaŭ mahčymaść prodažu roźničnaj sietki Mart Inn Food, pišuć «Biełarusy i rynak».
Pra heta pradprymalnik zajaviŭ u intervju ahienctvu BNS. Pa jaho słovach, pracavać u Biełarusi nadzvyčaj składana.
«Nadzvyčaj ciažka i składana. Toje, što ciapier adbyvajecca ŭ Biełarusi, ni dla kaho nie sakret. U takich umovach pracavać vielmi składana. Tam było šmat projhryšaŭ i pachvalicca pakul niama čym» — acharaktaryzavaŭ jon pracu svajho biźniesu ŭ Biełarusi.
Marciniakvičus paćvierdziŭ ahienctvu, što byli sproby vyvučyć popyt na pradmiet prodažu sietki, ale kankretnych vynikaŭ jany nie dali.
«Byli testy, ale jany byli bolš na ŭzroŭni apytańnia, kamu tut moža być cikava. Uličvajučy biahučuju situacyju ŭ Biełarusi, likvidnaść tam ciapier blizkaja da nula», - skazaŭ jon.
«Rašeńnie inviestavać u Biełaruś, ja liču, było niapravilnym. Hetaja kraina kardynalna adroźnivajecca ad Litvy z punktu hledžańnia biznes-asiarodździa, i ŭmovy dla inviestavańnia tam vielmi niespryjalnyja», — dadaŭ Marcinkiavičus
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary