«Ekstremisty padpalvali škoły». Ministr adukacyi raskazaŭ, jak u vybary «chistali» škoły
Ministr adukacyi Ihar Karpienka ŭ intervju dziaržśmi raskazaŭ, jak «chistali» škoły da i paśla vybaraŭ. Asnoŭny pasył — stvarali pracoŭnyja miescy dla apazicyi ŭ pryvatnych paŭlehalnych škołach, nie viali vychavaŭčuju pracu, nazyvali nastaŭnikaŭ «vorahami». Pryvodzim jaho cytataty.
Na dumku Karpienki, apazicyja sprabavała vykarystoŭvać nielehalnyja pryvatnyja škoły ŭ palityčnych metach, pašyrać sietku arhanizacyj pa typie «kołasaŭskaha liceja» bieź licenzii.
«Taksama paźbiahali kantrolu, pracujučy ź dziećmi pa indyvidualnych płanach, fiktyŭna zamacoŭvajučy dzicia za zamiežnaj adukacyjnaj ustanovaj. Asobnyja arhanizacyi nazyvali siabie «škołaj», majučy pry hetym arhanizacyjna-pravavuju formu hramadskaha ci relihijnaha abjadnańnia, IP. Hetyja schiemy mieli na ŭvazie zanižeńnie padatkovaj bazy i vypłatu ŭznaharody supracoŭnikam najaŭnymi, u kanviertach, a hałoŭnaje — poŭnuju adsutnaść vychavaŭčaj pracy ź dziećmi i šyrokija mahčymaści dla destruktyŭnaj dziejnaści».
«Padziei vosieni 2020-ho pakazali, što mienavita sietka paŭlehalnych pryvatnych arhanizacyj sprabavali vykarystoŭvać dla stvareńnia paralelnych adukacyjnych struktur, kab syści ad kantrolu i vychavaŭčaj pracy, stvaryć pracoŭnyja miescy dla aktyvistaŭ apazicyi, jakija nie mieli piedadukacyi, to-bok niejki ŭnutrany rynak adukacyjnych pasłuh «dla svaich».
«Na praciahu ŭsioj infarmacyjnaj kampanii leta-vosieni 2020-ha nastaŭnikaŭ nazyvali ŭ telehram-kanałach «vorahami», «prychilnikami sistemy». Ekstremisty padpalvali škoły, nieśli da ich pachavalnyja vianki, byli fejkavyja paviedamleńni ab miniravańni budynkaŭ. U toj ža pieryjad uzłamvali sajty ŭstanoŭ sistemy adukacyi, ministerstva masava padviarhalisia DDoS-atakam».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary