Padčas naviedvańnia biełaruska-rasijskich vučeńniaŭ Łukašenka zajaviŭ, što na pieramovach z Pucinym u Kramli 9 vieraśnia pytańniam abarony i biaśpieki było nadadziena šmat uvahi. U tym liku abmiarkoŭvalisia pierśpiektyvy pastavak kompleksaŭ S-400, paviedamlaje BiełTA.
«Naohuł hetaje pytańnie było ŭpleciena va ŭsie pytańni. Napeŭna, 3-3,5 hadziny z 8 hadzin my viali dyjałoh mienavita ab abaronie i biaśpiecy. Jon mnie raspavioŭ pra bolš sučasnyja kompleksy S-500, jakija mohuć pracavać pa balistyčnych rakietach. Vielmi efiektyŭny kompleks. U tym liku ja jamu jašče raz nahadaŭ pra S-400, raspavioŭ jamu, dzie my chočam pastavić hetyja kompleksy, — raspavioŭ jon. — Dziakuj bohu, ciapier u nas całkam kompleksami S-300 pierakryty pierymietr na zachodnim kirunku. Ale, jak vy viedajecie, u nas i paŭdniovy kirunak dadaŭsia. My ź biełaruskimi hienierałami i rasijanami abmiarkoŭvali hetuju temu.
Nas pačynajuć z poŭdnia padahravać. A što jašče budzie… My pavinny rychtavacca — 1200 km miaža z Ukrainaj. Tamu nam pryjdziecca začyniać i hety pierymietr. I my razmaŭlali pra toje, što S-400 nam budzie da miesca. I jon daŭ daručeńnie ministru abarony, kab z našymi prapracavali hetyja pytańni dla taho, kab možna było pastavić hetyja kompleksy nam».
Łukašenka taksama padziakavaŭ rasijskamu kiraŭnictvu i vajskoŭcam, VPK Rasii za toje, što jany ŭzhadnili ceły pieralik uzbrajeńnia, jakoje da 2025 hoda budzie pastaŭlena ŭ Biełaruś.
«Heta kala dziasiatka samalotaŭ, častka nam užo pastupiła, heta niekalki dziasiatkaŭ viertalotaŭ, Tor-M2. Vialikija abjomy. Havoryć heta pra toje, što i my, i Rasijskaja Fiederacyja vielmi surjozna ŭsprymajem hety zachodni kirunak, dzie my znachodzimsia niepasredna pobač z nataŭskimi vojskami», — padkreśliŭ jon.
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary