U Bresckaj vobłaści z vypusknikoŭ, jakija nie adpracavali raźmierkavańnie, spahnali bolš za 880 tysiač rubloŭ
Pa infarmacyi prakuratury, jakuju zaŭvažyli žurnalisty BGmedia, u hetym hodzie ŭ dačynieńni da takich maładych śpiecyjalistaŭ było padadziena dziasiatki iskaŭ — i ŭsie ź ich zadavolili ŭ sudach.
Jak paviedamlajuć u prakuratury, vyłučalisia vypadki, kali vypuskniki nie źjavilisia na pracoŭnaje miesca pracy paśla raźmierkavańnia abo byli zvolnienyja pa ŭłasnaj vinie — naprykład, za prahuły.
Bolšaść ź ich admoviłasia viartać hrošy dobraachvotna, tamu prakurory źviartalisia ŭ sud, patrabujučy kampiensacyi raschodaŭ na ich navučańnie.
Suma spahnańniaŭ z vypusknikoŭ pieravyšaje 880 tysiač biełaruskich rubloŭ. Paśla zadavalnieńnia iskaŭ vypusknikam daviałosia nie tolki viarnuć srodki, zatračanyja na navučańnie, ale i pakryć sudovyja vydatki.
Naprykład, adna z vypusknic Baranavickaha dziaržaŭnaha kaledža lohkaj pramysłovaści imia V.Je. Čarnyšova try hady vučyłasia za košt biudžetu. Paśla vypusku dziaŭčynu raźmierkavali na šviejnuju fabryku ŭ Baranavičach, ale praź niekatory čas jaje zvolnili za prahuły. U vyniku joj daviałosia viarnuć niekalki dziasiatkaŭ tysiač rubloŭ za navučańnie.
Jašče adna vypusknica ź Pinskaha rajona admoviłasia vychodzić na pracu ŭ handlovaje pradpryjemstva, kudy była nakiravanaja pa raźmierkavańni. Sud abaviazaŭ jaje viartać dziaržavie amal dziesiać tysiač rubloŭ.
Jak adznačajuć u prakuratury, bolšaść sudovych rašeńniaŭ u takich vypadkach nie vykonvajucca dobraachvotna. Tamu pa inicyjatyvie prakuratury pačynajecca pracedura prymusovaha spahnańnia srodkaŭ.
Takija miery, padkreślivajuć u viedamstvie, nieabchodnyja dla taho, kab biudžetnyja srodki, układzienyja ŭ padrychtoŭku śpiecyjalistaŭ, nie byli stračanyja.
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary