Ułady pierakonvajuć, što budaŭnictva aharodžy nieabchodnaje, pakolki na miažy pa-raniejšamu isnuje vysokaja ryzyka pravakacyj ź biełaruskaha boku, paviedamlaje Polskaje radyjo.
U najbližejšyja dni budzie pradstaŭleny płan finansavańnia budaŭnictva novaj sistemy biaśpieki na polska-biełaruskaj miažy, paviedamiŭ namieśnik ministra zamiežnych spraŭ Polščy Pavieł Jabłoński (Paweł Jabłoński). Košt inviestycyj składzie 1,6 miljarda złotych (amal 350 miljonaŭ jeŭra). Heta budzie śpiecyjalnaja aharodža, jakaja pavinna achoŭvać polskuju miažu i źniešniuju miažu Jeŭrasajuza ad nielehalnych mihrantaŭ.
Pavieł Jabłoński nahadaŭ, što na miažy pa-raniejšamu isnuje vysokaja ryzyka pravakacyj ź biełaruskaha boku:
— Arhanizatary hetaj akcyi imknucca da destabilizacyi i panižeńnia našaj biaśpieki. Roznyja pravakacyi pavinny pryvieści da rostu napružańnia i achviaraŭ — heta meta supracoŭnikaŭ Łukašenki. Heta realnaja niebiaśpieka, i heta treba razumieć.
Aharodža na polska-biełaruskaj miažy budzie składacca z płota, abstalavanaha sučasnaj infrastrukturaj, u tym liku elektronnaj i telekamunikacyjnaj.
Nahadvajem, z pačatku kastryčnika polskija pamiežniki zafiksavali bolš za 6 tysiač sprobaŭ niezakonnaha pierasiačeńnia miažy ź Biełarusi ŭ Polšču.
Urad Polščy padkreślivaje, što situacyja na miažy ź Biełaruśsiu źjaŭlajecca častkaj hibrydnaj vajny, jakuju pravodzić režym u Minsku pry padtrymcy rasijskich uładaŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary