Va Ukrainie, jakaja maje padobny da Biełarusi ŭzrovień vakcynacyi, rekord pa kolkaści śmierciaŭ ad kavidu: 538 za dzień
Za sutki 18 kastryčnika va Ukrainie zafiksavali 15 579 vypadkaŭ zachvorvańnia na karanavirusnuju chvarobu i 538 śmiarotnych vypadkaŭ ad jaje, špitalizavali z kavidam abo padazreńniem na jaho 2852 čałavieki, ačuniali 776 čałaviek.
Va Ukrainie, jak i ŭ Biełarusi, uzrovień vakcynacyi adzin z samych nizkich u Jeŭropie. Va Ukrainie poŭny kurs vakcynacyi prajšli 14,7% nasielnictva, u Biełarusi — 18,6%. Heta značna nižej, čym u susiednich Polščy (52%) i Litvie (58,8%).
Niahledziačy na dostup da zachodnich vakcyn, nasielnictva Ukrainy vakcynujecca nieachvotna, kraina stała adnoj z apor kavid-dysidentstva. U krainie raspaŭsiudžanaja praktyka ŭniasieńnia ŭ bazu vakcynavanych z vydačaj siertyfikata za hrošy. Taksama ŭkrainskija miedyja paviedamlajuć pra lekaraŭ, jakija za hrošy ŭkołvajuć ukraincam zamiest vakcyny fizrastvor, a samu vakcynu vylivajuć u rakavinu.
Kamientary