Navukoŭcy vyličyli praciahłaść snu, pry jakoj šansy pažyłych ludziej atrymać demiencyju buduć samymi nizkimi.
Prytrymlivacca załatoj siaredziny — pryncyp, što dapamahaje ŭ samych roznych śfierach žyćcia. Jak vyśvietlili vučonyja, jon pracuje i ŭ dačynieńni da kolkaści snu i da taho, jak jana ŭpłyvaje na pracu mozhu.
Kab zrabić takija vysnovy, navukoŭcy ź miedycynskaha fakulteta ŭniviersiteta Vašynhtona ŭ amierykanskim Sent-Łuisie pramanitoryli son sta pažyłych ludziej. Ich taksama pravieryli na najaŭnaść uzrostavaha źnižeńnia intelektu i simptomy rańnich stadyj chvaroby Alchiejmiera, piša CNN.
Vyśvietliłasia, što tolki tyja z udzielnikaŭ daśledavańnia, chto spaŭ nie zanadta mała i nie zanadta šmat, zachavali dobryja pakazčyki funkcyjanavańnia mozhu.
Kali čałaviek spaŭ mienš za 5,5 hadziny ci bolš za prykładna 7,5 hadziny, jon demanstravaŭ horšyja pakazčyki intelektu, čym tyja, čyj son układvaŭsia ŭ hety pramiežak. Raniej było viadoma, što na intelekt drenna ŭpłyvaje niedachop snu, tamu pieršaja ličba nie stała siurpryzam dla daśledčykaŭ.
Ale čamu ž vialikaja kolkaść snu taksama nie harantuje dobruju pracu mozhu? Navukoŭcy vykazvajuć zdahadku, što dla mozhu važnaja nie tolki kolkaść snu, ale i jaho dobraja jakaść. Tamu navat kali vy śpicie šmat, ale vaš son paviarchoŭny, heta moža vyklikać prablemy sa zdaroŭjem.
Ličycca, što paŭnavartasny načny son pavinien składacca z 4-6 cykłaŭ snu, pryčym kožny z cykłaŭ, adpaviedna, składajecca z čatyroch stadyj. Adzin cykł snu zajmaje prykładna 90 chvilin, tamu, kab prajści adpaviednuju kolkaść cykłaŭ snu, bolšaści ludziej treba spać 7-8 hadzin. Pažadana, kab pry hetym son byŭ jakasnym i bieśpieraškodnym.
Ale kali ludzi starejuć, im robicca ŭsio bolš ciažka zasynać i spać usiu noč biez abudžeńniaŭ. Na heta časta ŭpłyvaje najaŭnaść chraničnych chvarob i pryjom lekaŭ: vyražanyja simptomy i pabočnyja efiekty lekaŭ mohuć pieraškadžać spakojnamu snu. Heta, u svaju čarhu, moža adčuvalna paŭpłyvać na jakaść važnaj fazy hłybokaha snu i, adpaviedna, na pracu mozhu.
Doŭha zasynajecie pa načach? Voś što možna z hetym zrabić — karysnyja parady
Amierykanskija navukoŭcy raspracavali vakcynu suprać reŭmatoidnaha artrytu
10 najlepšych naturalnych antybijotykaŭ: što heta za raśliny i jak jany dziejničajuć?
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos27
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5454
Kamientary