«U asnoŭnym ciapier cyrkuluje tak zvany delta-štam, ale ź vieraśnia my pačali ŭstaloŭvać chadžeńnie takoha štama, jak delta-łajt. Pakul niejkich adroźnieńniaŭ nie nazirajem, hetyja vypadki adzinkavyja», — raskazaŭ u efiry «Biełaruś-1» namieśnik ministra achovy zdaroŭja — hałoŭny dziaržaŭny sanitarny doktar Alaksandr Tarasienka.
Namieśnik ministra zaŭvažyŭ, što dla delta-štama charakternaja vialikaja kantahijoznaść, to-bok virus zdolny chutčej pierachodzić ad čałavieka da čałavieka. «Raniej my kazali, što dastatkova 15 chvilin i bolš, to ciapier patrabujecca da 15 chvilin, možna znachodzicca pobač z chvorym čałaviekam litaralna niejkija chvilinu-dźvie», — skazaŭ jon.
Bolš za toje, usio čaściej zachvorvajuć ludzi 30-39 hadoŭ i 40-49 hadoŭ. «My adznačajem, što pa Minsku, u adroźnieńnie ad inšych rehijonaŭ, u asnoŭnym zadziejničana nasielnictva ad 18 da 29 hadoŭ», — zaŭvažyŭ Alaksandr Tarasienka.
Jość adroźnieńni i ŭ kliničnych prajavach zachvorvańnia. U pryvatnaści, kali raniej pik inficyravanaści prychodziŭsia na 7-8-y dzień (zychodziačy z vynikaŭ PŁR), to na siońnia heta 3-4-y.
«Usio-tki delta-štam unosić karekciroŭki ŭ chadu zachvorvańnia, u tym liku jaho praciahłaść», — udakładniŭ Alaksandr Tarasienka.
Kamientary