«Isnuje 150 miescaŭ, dzie ŭ luby momant moža adbycca nadzvyčajnaja situacyja. I z hetych 150 defektaŭ likvidavanyja tolki 22», - kaža pres-sakratar Ministerstva pa nadzvyčajnych situacyjach Vital Navicki.
Prapampoŭvańnie dyzielnaha paliva na biełaruskim učastku praduktapravoda «Unieča ‑‑ Ventśpiłs» rasijskaja kampanija «Zachad‑Transnaftapradukt» płanujecca adnavicca 24 lipienia.
Načalnik pres‑słužby Ministerstva pa nadzvyčajnych situacyjach Vital Navicki, paviedamiŭ, što «Zachad‑Transnaftapradukt» sioleta za pieršaje paŭhodździe likvidavaŭ 22 defiekty z 150‑ci, pryznanych krytyčnymi.
«A z taho momantu, jak prapampoŭvańnie było prypyniena MNS, da siońnia likvidavana 14 defektaŭ. Vynik pakazalny», — padkreśliŭ Navicki.
Rašeńnie zabaranić ekspłuatacyju biełaruskaha ŭčastku pryniało Ministerstva pa nadzvyčajnych situacyjach Biełarusi 22 lipienia. Tady Vital Navicki patłumačyŭ: pryčyna ŭ niezdavalnialnym techničnym stanie truby:
«My ciaham dvuch apošnich hadoŭ uvieś čas prymušali ich źnižać cisk da 38 atmaśfieraŭ. A 38 atmaśfieraŭ — heta minimalny cisk. Nižej prosta niemahčyma z techničnych pryčynaŭ — nie budzie prapampoŭvańnia. Ale navat kali i dalej trymać cisk na ŭzroŭni 38 atmasferaŭ, to isnuje 150 krytyčnych defektaŭ.
Inšymi słovami, heta aznačaje, što isnuje 150 miescaŭ, dzie ŭ luby momant moža adbycca nadzvyčajnaja situacyja. I z hetych 150 defektaŭ likvidavanyja tolki 22».
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda1
Kamientary