Mikałaj Dziadok vystupiŭ z apošnim słovam: «Nijakija represii nie spyniać prahres»
Palitźniavoleny błohier Mikoła Dziadok vystupiŭ z apošnim słovam. Prakuror zapytaŭ dla jaho prysud — piać hadoŭ kałonii.
Mikałaj padziakavaŭ rodnym, siabram, žurnalistam i pravaabaroncam za ich pracu i padtrymku.
«Usim, chto maje dačynieńnie da arhanizacyi hetaha sudovaha pracesu, a roŭna i inšych palityčnych represij u majoj krainie, ja chaču skazać: nie žyvicie nadziei! Nijakija napisanyja vami papierki, nijaki teror nie zdolnyja spynić vyzvaleńnie čałavieka i prahres. My ŭsio roŭna pieramožam!»
***
Mikałaja zatrymali 11 listapada 2020 hoda, mocna źbili i vystavili abvinavačvańnie pa troch artykułach Kryminalnaha kodeksa: art. 342, art. 361, art. 295-3. Sud na im pačaŭsia 29 červienia. Na im Mikałaj raspavioŭ pra ździeki i katavańni pry zatrymańni.
Jak paviedamlajuć pravaabaroncy, prakuror Anton Ciumiencaŭ u sudovych sprečkach zajaviŭ, što vina Mikałaja Dziadka pa art. 342 (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich), art. 361 (Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś), art. 295-3 (Niezakonnyja dziejańni dačynieńni da haručych rečyvaŭ) Kryminalnaha kodeksa całkam dakazanaja.
Jon paprasiŭ sud pryznačyć palitviaźniu pakarańnie ŭ vyhladzie pazbaŭleńnia voli terminam na piać hadoŭ kałonii va ŭmovach ahulnaha režymu:
• pa č. 1 art. 342 KK — dva hoda kałonii;
• pa art. 295-3 KK — dva hoda kałonii;
• pa art. 361 KK — 4,5 hoda kałonii.
Mikoła Dziadok nie pryznaŭ vinu ni pa nivodnym artykule.
Prysud budzie ahučany 10 listapada.
Strašnyja pakazańni palitviaźnia Dziadka ŭ sudzie: Vydaŭ paroli paśla taho, jak dušyli paduškaj
«Moj syn pajšoŭ na pakuty, kab inšyja ludzi mahli žyć svabodna». Vialikaja hutarka z baćkam Mikałaja Dziadka
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi27
Kamientary