Makiej pra sankcyi i situacyju na miažy: Nichto nie zdajecca i nie zdasca
Uładzimir Makiej siońnia prakamientavaŭ mihracyjny kryzis na miažy ź ES, a taksama sankcyi suprać biełaruskich uładaŭ.
Biełaruś adkryta dla dyjałohu i hatovaja ŭsim pakazvać situacyju na miažy, skazaŭ ministr.
«Kali adbyvajucca padobnaha rodu trahiedyi, to my ŭsie pavinny nieści adkaznaść. Pytańnie tolki ŭ tym, chto jak ciapier stavicca. Choć hety łahier raźbity na niejtralnaj terytoryi, z našaha boku padvoziacca i drovy, i pradukty charčavańnia, akazvajecca humanitarnaja dapamoha», — adznačyŭ ministr.
Polšča vykarystoŭvaje mihracyjny kryzis, kab adciahnuć uvahu ad svaich unutranych prablem, a taksama ŭ adnosinach pa linii Jeŭrasajuza, ličyć Makiej.
«My bačym, jakija mietamarfozy adbyvajucca ŭ adnosinach pamiž Brusielem i Varšavaj. I razumiejem, što za hetym staić, — adznačyŭ ministr. — My razumiejem, što dla Polščy ciapier vielmi vyhadna adciahnuć uvahu ad svaich unutranych prablem».
Taksama Makiej vykazaŭsia ab zakrytych kansultacyjach Rady Biaśpieki AAN pa pytańni biežancaŭ na zachodnich miežach Biełarusi.
«Meta — demanizavać Biełaruś, pakazać, što ad Biełarusi zychodzić pahroza miru i vystavić našu krainu ledź nie krainaj-ahresaram. My zrabili adpaviednuju zajavu na hety kont», — skazaŭ ministr.
Podkup i šantaž źjaŭlajucca dvuma asnoŭnymi składnikami sučasnaj jeŭrapiejskaj palityki, ličyć Makiej.
«U ciapierašniaj sučasnaj jeŭrapiejskaj palitycy ŭ maim razumieńni jość tolki dva składniki. Heta finansavyja abiacańni, jakija jany abiacajuć našym biehłym. Pra toje, što «my vam damo 3 miljardy, i Biełaruś adrazu ž pieratvorycca ŭ demakratyčnuju krainu». I druhi składnik — heta razmachvańnie siakieraj sankcyj», — adznačyŭ ministr.
Makiej taksama adreahavaŭ na pahrozy Polščy zakryć miažu ź Biełaruśsiu. Ministr zajaviŭ, što kali Polščaj budzie pryniataje adpaviednaje rašeńnie ab zakryćci miežaŭ, to jano budzie lažać u šerahu krokaŭ, nakiravanych na pieratvareńnie Biełarusi ŭ krainu-izhoja.
Biełaruś šmat razoŭ prapanoŭvała ES sieści za stoł pieramovaŭ dla abmierkavańnia mihracyjnaj temy, zapeŭnivaje Makiej.
«My šmat razoŭ, pačynajučy z krasavika hetaha hoda, prapanoŭvali ES sieści za stoł pieramovaŭ i pačać abmiarkoŭvać pytańni mihracyi. Nivodnaha adkazu na našy prapanovy my nie atrymali», — adznačyŭ ministr.
Biełaruś hatovaja maksimalna žorstka adkazać na sankcyi, jakija ŭvodziacca ŭ dačynieńni da jaje, skazaŭ Makiej.
«Jak tolki Łukašenka zajaviŭ niekatory čas tamu pra toje, što my hatovyja da dyjałohu, tam adrazu skazali: «Aha, Łukašenka zdajecca, prajaviŭ słabaść, tamu treba cisnuć i dalej sankcyjami, i takim čynam my dasiahniom svaich metaŭ». Nijakich metaŭ nichto nikoli praz padobnaha rodu cisk, pahrozy i šantaž nie dasiahnie. Nichto nie zdajecca i nie zdasca. Paviercie, ja kažu ź viedańniem spravy», — skazaŭ Makiej.
Ciapier čytajuć
Łukašenka: My hatovyja zaklučyć vialikuju ździełku z ZŠA62
Kamientary