Hod tamu ŭ hety dzień my nie dapuskali i dumki, što praz hod «Naša Niva» budzie vyhnanaja ź Biełarusi, a raniejšyja redaktary — Jahor Marcinovič i Andrej Skurko — apynucca ŭ turmie.
Davajcie pastavim pytańnie: a što budzie jašče praz hod, kali za minułyja 12 miesiacaŭ źmianiłasia tak šmat? I jakija zadačy stajać siońnia pierad nami, jakija volaju losu robiać najstarejšaje nacyjanalnaje vydańnie ŭ novych umovach, i pierad hramadstvam? Što hałoŭnaje na siońnia?
Hałoŭnaje, na našu dumku, — kab adbyłasia deeskałacyja situacyi, kab u Biełarusi spynilisia represii i pačaŭsia dyjałoh. 116-y hod svajho isnavańnia «Naša Niva» budzie pracavać dla hetaha.
«My budziem staracca, kab usie biełarusy, što nie viedajuć, chto jany jość, — zrazumieli, što jany biełarusy i ludzi, kab paznali svajo prava i pamahli nam u našaj rabocie», — pisali 115 hadoŭ u pieršym numary novaj haziety jaje stvaralniki. «Praciŭnika treba ŭsprymać nie jak voraha, a jak nastaŭnika», — napisaŭ z-za krataŭ Andrej Skurko.
My budziem pracavać, kab «Naša Niva» zastavałasia placoŭkaj dla dyjałohu, sutyknieńnia dumak, dyskusij. Chaj ich budzie bolš.
Čytać NN možna:
U Telehramie — majem tam na siońnia 74 219 padpisčykaŭ,
U Instahramie — majem tam na siońnia 47 800 padpisčykaŭ,
U Fejsbuku — majem tam na siońnia 20 825 padpisčykaŭ,
Vkontaktie — majem tam na siońnia 18 800 padpisčykaŭ,
U Tvitary — majem tam na siońnia 18 500 padpisčykaŭ,
A hladzieć na kanale ŭ Jutubie — majem tam na siońnia 30 400 padpisčykaŭ.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?1
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary