Aktrysa, jakaja stała zorkaj paśla filma «Błandynka ŭ zakonie», a zaraz paśpiachovaja kinapradziusarka, u suaŭtarstvie z Charłanam Kobienam napisała tryler Gone before Goodbye.
Na biełaruskuju nazvu možna pierakłaści, jak «Syści nie raźvitaŭšysia».
Pieršyja kroki ŭ kino Ryz rabiła ŭ 1991 hodzie, słavu joj prynieśli «Žorstkija namiery» 1999 hoda, a zorkaj jana stała paśla «Błandynki ŭ zakonie», što vyjšła na ekrany ŭ 2001 hodzie.
U 2006‑m jana ŭziała «Oskar» za rolu Džun Karter — žonki i paplečnicy śpievaka Džona Keša (film «Pierastupić rysu»).
Ryz — vielmi tałkovaja pradziusarka. U 2000 hodzie jana zasnavała kampaniju Type A Films, jakaja ŭ 2012 hodzie abjadnałasia z kampanijaj pradziusarki Bruny Papandrei. Novuju kampaniju nazvali Pacific Standard.
Razam jany spradziusavali takija filmy, jak «Dzikaja», «Źnikłaja» i papularny sieryjał «Vialikaja maleńkaja chłuśnia». Ryz sama hruntoŭna pracuje nad scenaryjami i adaptacyjami.
U 2016 hodzie Uizerspun zasnavała paśpiachovuju multymiedyjnuju kampaniju Hello Sunshine (u skład jakoj uvajšła i Pacific Standard), jakuju pradała ŭ žniŭni 2021 hoda za 900 miljonaŭ dalaraŭ.
Zaraz Ryz razam z papularnym aŭtaram detektyvam Charłanam Kobienam, jaki robić niekalki prajektaŭ dla Netflix napisali tryler Gone before Goodbye pra daktaroŭ, jaki chavajuć niejki sakret.
Uizerspun kaža, što praca jaje baćkoŭ natchniła piersanažaŭ u jaje novym ramanie, piša Bi-bi-si.
«Ja vyrasła ŭ siamji miedycynskich vajskoŭcaŭ i na vajskovaj bazie, tamu była akružanaja inšymi mamami i tatami, jakija taksama byli miedycynskimi vajskoŭcami», — kaža jana.
«Było heta pačućcio słužeńnia, i što toje, što jany rabili, było važnaj pasłuhaj dla čałaviectva, ale taksama i dla svajoj krainy».
«My abodva ličym, što daktary — hieroi», — dadaje Koben, jaki žanaty ź piedyjatarkaj. — Jany sapraŭdy takija. Heta ž krutaja prafiesija».
Uizerspun pieršapačatkova pryniesła ideju Kobenu, i jany kažuć, što abodva ŭdzielničali ŭ napisańni — nastolki, što, pavodle Uizerspun, «my nie mahli razabracca, chto što napisaŭ».
Ci budzie Gone Before Goodbye adaptavany? Koben kaža — tak.
«Ja dumaju, što adnojčy jaho adaptujuć. U mianie jość niechta na ŭvazie, chto, ja dumaju, zachoča syhrać Mehi, ale ja ničoha nie skažu», — kaža jon. Jon maje na ŭvazie Uizerspun? Jon śmiajecca: «Tak».
Raman vyjšaŭ u ZŠA i bje rekordy prodažaŭ, 23 kastryčnika jon vyjdzie ŭ Brytanii. Na słavianskija movy jon pakul nie pierakładaŭsia.
Kamientary