Łukašenka znoŭ pryhraziŭ spynić tranzit enierhanośbitaŭ, kali Polšča zakryje miažu
Alaksandr Łukašenka zajaviŭ u intervju RIA «Naviny», što hatovy spynić tranzit enierhanośbitaŭ u vypadku realizacyi Polščaj pahroz zakryć miažu.
Łukašenka znoŭ pryhraziŭ nastupstvami, kali Polšča začynić miažu. «Słuchajcie, kali mianie buduć dušyć palaki ci jašče niejkija tam, ja budu hladzieć na niejkija kantrakty? Kińcie vy, pra što vy kažacie?» — skazaŭ jon.
Na ŭdakładniajučaje pytańnie, ci surjozna jon pra heta kaža, Łukašenka adkazaŭ: «Viadoma, surjozna».
«Palaki vyrašyli začynić nam miažu ź Biełaruśsiu. Dobra, začyniajcie. My nie vielmi časta jeździm u ES. Naš intares siońnia ŭ Rasii, Kitai i na ŭschodzie bolš za ŭsio. A kali ja začyniu? Što budzie z hetym patokam tady, jaki ŭ asnoŭnym u Rasiju, Kitaj idzie praz nas?» — spytaŭ Łukašenka.
Pa jaho słovach, u Rasii z Ukrainaj paŭdniovaja miaža začynienaja, značyć, jany praz Ukrainu nie projduć, praz «Prybałtyku nam na plačach nasić — daroh niama».
«Tamu pierš čym rabić ź ich boku zajavy, treba mazhi svaje kurynyja ŭziać u ruki i padumać, što ty brazhaješ», — skazaŭ jon.
Łukašenka prapanavaŭ polskamu boku začynić miažu i pahladzieć, chto atrymaje bolš škody ad hetaha. «Kamu ty ŭ škodu začyniš? Sam sabie? A potym, ty začyniš… Tady vy padumajcie, jak vy budziecie kuplać enierhanośbity ŭ Rasii», — skazaŭ Łukašenka.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?6
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary