Novyja namieśniki ŭ Minzdaroŭja, Minlashasie, Minpracy: Łukašenka ŭzhadniŭ niekalki pryznačeńniaŭ
Alaksandr Łukašenka daŭ zhodu na pryznačeńnie kiraŭnikoŭ respublikanskich orhanaŭ dziaržaŭnaha kiravańnia, piša BiełTA.
Alena Kratkova ŭzhodnienaja na pasadu pieršaha namieśnika ministra achovy zdaroŭja. Da hetaha jana ŭznačalvała Hrodzienski dziaržaŭny miedycynski ŭniviersitet.
Pasadu pieršaha namieśnika ministra lasnoj haspadarki zojmie Alaksandr Drahun. Jon byŭ načalnikam upraŭleńnia analizu i kantrolu za achovaj i vykarystańniem abjektaŭ žyviolnaha i raślinnaha śvietu Dziaržaŭnaj inśpiekcyi achovy žyviolnaha i raślinnaha śvietu.
Maryna Arciomienka ŭzhodnienaja na pasadu namieśnika ministra pracy i sacyjalnaj abarony. Jana ŭznačalvała ŭpraŭleńnie narodanasielnictva, hiendarnaj i siamiejnaj palityki Minpracy.
Na pasadu pieršaha namieśnika ministra justycyi ŭzhodnienaja Natalla Filipava. Jana pracavała na pasadzie namieśnika ministra justycyi.
Alaksandr Siemič uzhodnieny na pasadu dyrektara Departamienta dziaržaŭnaj inśpiekcyi pracy Ministerstva pracy i sacyjalnaj abarony. Raniej jon pracavaŭ pieršym namieśnikam dyrektara hetaha departamienta.
Departamient pa pradprymalnictvie Ministerstva ekanomiki ŭznačalić Volha Rusinovič, raniej — namieśnica kiraŭnika administracyi Leninskaha rajona Minska.
Vital Krecki ŭzhodnieny na pasadu namieśnika staršyni Dziaržaŭnaha kamiteta pa standartyzacyi — dyrektara Departamienta pa enierhaefiektyŭnaści. Da hetaha jon pracavaŭ načalnikam adździeła pravavoj raboty, kadravaj palityki i kamunikacyj hetaha departamienta.
Siarhiej Hałynčyk uzhodnieny na pasadu staršyni Šumilinskaha rajvykankama. Da hetaha jon pracavaŭ namieśnikam staršyni Sieńnienskaha rajvykankama.
Siarhiej Sadoŭski źmienić pasadu pieršaha namieśnika staršyni — načalnika ŭpraŭleńnia pa sielskaj haspadarcy i charčavańni Ušackaha rajvykankama na pasadu kiraŭnika hetaha rajona.
Pasadu pieršaha namieśnika staršyni Homielskaha abłvykankama zojmie Dźmitryj Kozieł, raniej - staršynia Dobrušskaha rajvykankama.
U svaju čarhu Dobrušski rajon uznačalić Alaksandr Mataras. Da hetaha jon pracavaŭ na pasadzie načalnika hałoŭnaha ŭpraŭleńnia ziemleŭparadkavańnia Homielskaha abłvykankama.
Jaŭhien Biełaš uznačalić Karmianski rajvykankam. Jon piarojdzie na hetu pasadu z pasady dyrektara Respublikanskaha śpiecyjalizavanaha ŭnitarnaha pradpryjemstva «Paleśsie».
Iryna Strečyn — da hetaha času dyrektar AAT «Michiejeŭka-Ahra» Drybinskaha rajona — zojmie pasadu kiraŭnika hetaha rajona.
Na pasadu staršyni Čavuskaha rajvykankama ŭzhodnieny Eduard Hierasimienka. Da hetaha času - namieśnik dyrektara pa kamiercyjnych pytańniach TAA «Profi-Ahrapark Hrup».
Čerykaŭski rajvykankam uznačalić Aleh Małyšeŭski. Raniej jon pracavaŭ u sistemie MUS.
Andrej Dubinčyk zojmie pasadu kiraŭnika administracyi Leninskaha rajona Babrujska. Da hetaha jon uznačalvaŭ respublikanskaje Babrujskaje ŭnitarnaje vytvorčaje pradpryjemstva «Fabryka mastackich vyrabaŭ».
Akramia taho, Siarhiej Łabadzinski ŭzhodnieny na pasadu kiraŭnika spraŭ Bresckaha abłvykankama. Da hetaha času jon pracuje na pasadzie staršyni kamiteta pa architektury i budaŭnictvie Bresckaha abłvykankama.
Načalnik upraŭleńnia KDB pa Bresckaj vobłaści Maksim Radźkoŭ uzhodnieny na pasadu člena Bresckaha abłvykankama.
U svaju čarhu načalnik upraŭleńnia ŭnutranych spraŭ Homielskaha abłvykankama Alaksandr Šastajła ŭzhodnieny na pasadu člena Homielskaha abłvykankama.
Členam Minskaha harvykankama i Minskaha abłvykankama stanie načalnik upraŭleńnia KDB pa Minsku i Minskaj vobłaści Alaksandr Cierachaŭ.
Načalnik upraŭleńnia KDB pa Mahiloŭskaj vobłaści Ihar Paŭluščanka ŭzhodnieny na pasadu člena Mahiloŭskaha abłvykankama.
Kamientary