Kanhres rasijskaj intelihiencyi nazvaŭ interviencyju ŭ Kazachstanie «złačynstvam»
Na sajcie «Echo Moskvy» źjaviŭsia zvarot kanhresa intelihiencyi, jaki zaklikaje da admovy ad udziełu Rasii ŭ interviencyi ŭ Kazachstan.
Jak adznačajuć aŭtary zajavy, adpraŭka rasijskich padraździaleńniaŭ u Kazachstan u ramkach misii ADKB — «złačynstva suprać narodaŭ Rasii i Kazachstana».
«My nie chočam, kab našy suhramadzianie hinuli i zabivali dziela vyratavańnia dyskredytavaŭšych siabie kiraŭnikoŭ. Udzieł rasiejskich siłavikoŭ u padaŭleńni pratestaŭ niepaźbiežna pahoršyć stanovišča rasiejskamoŭnych hramadzian Kazachstana, jakija stanuć adkaznymi za impieryjalistyčnuju palityku rasiejskaha kiraŭnictva», — udakładniajecca ŭ tekście.
«Rasijski palityčny režym padtrymlivaŭ u Kazachstanie toj samy karumpavany aŭtarytarny režym, imknieńnie pazbavicca ad jakoha vyvieła na vulicy haradoŭ Kazachstana dziasiatki tysiač ludziej, tamu rasiejskija vojski nijak nie mohuć vystupać tam u jakaści miratvorcaŭ» — zajaŭlajuć aŭtary zvarotu.
«My žadajem narodu Kazachstana zbavieńnia ad karumpavanaj dyktatury i pośpiechu ŭ budaŭnictvie mirnaha i demakratyčnaha Kazachstana», — taksama havorycca ŭ dekłaracyi.
Zvarot u liku inšych padpisali palityki Leanid Hozman, Andrej Niačajeŭ, palitołah Dźmitryj Areškin, piśmieńniki Dźmitryj Bykaŭ i Ludmiła Ulickaja, režysior Hary Bardzin i mnohija inšyja.
Rasijskija vajskoŭcy «dapamahli kazachstanskim siłavikam» uziać pad poŭny kantrol aeraport Ałmaty
Čamu padziei ŭ Kazachstanie nielha paraŭnoŭvać ź biełaruskimi, ale što ź ich łohiki treba zapomnić
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary