UNS zmoža admianić rašeńnie luboha dziaržaŭnaha orhana, akramia suda
UNS płanujuć nadzialić pravam admieny luboha rašeńnia dziaržaŭnaha orhana i pravavoha akta. Vyklučeńnie — sudovaje rašeńnie. Pra heta zajaviła sudździa Kanstytucyjnaha suda Volha Siarhiejeva na naradzie z Łukašenkam. Rašeńni prezidenta vyklučeńniami, jak vynikaje, nie buduć.
Na naradzie 18 studzienia byli razhledžanyja pytańni dapracoŭki prajekta abnoŭlenaj Kanstytucyi, «z ulikam prapanoŭ, što pastupili ŭ chodzie ŭsienarodnaha abmierkavańnia», piša BIEŁTA.
Łukašenka spytaŭ u raspracoŭčšykaŭ, ci vyklikajuć tyja ci inšyja pałažeńni prajekta aściarohi.
«Pomnicie, my kazali, što my ni ŭ jakim razie, robiačy kanstytucyjnym UNS, nie pavinny dapuścić dvojeŭładździa. Što prezidenckaja respublika, prezident — hałoŭnakamandujučy, nijakija siłavyja struktury nikomu nie pavinny być padparadkavanyja, akramia hałoŭnakamandujučaha. Pamiatajcie, my pra heta kazali. My nie dapuścili tut pierakosaŭ?» — pastaviŭ pytańnie Łukašenka.
Sudździa Kanstytucyjnaha suda Volha Siarhiejeva zapeŭniła, što, na jaje dumku, takoha pierakosu niama, usio zbałansavana, i prezident pa-raniejšamu budzie kiraŭnikom dziaržavy.
«My nie źmianiali važniejšyja funkcyi prezidenta, kanstytucyjnyja funkcyi. Bolš za toje, prezident źjaŭlajecca delehatam UNS, prymaje ŭdzieł u rabocie UNS», — adkazała sudździa.
Łukašenka taksama spytaŭ, ci dastatkova mocnyja normy Kanstytucyi dla procivahi, strymlivańnia struktur, orhanaŭ ułady, kab sistemu i dziaržavu nie ŭdałosia razvalić.
«Prosta skazać, što dastatkova va UNS paŭnamoctvaŭ, kab zachavać stabilnaść u hramadstvie, hramadskuju zhodu, — hetaha mała. Paŭnamoctvy va UNS vielmi istotnyja: heta i vyznačeńnie stratehičnych napramkaŭ raźvićcia, i zaćviardžeńnie daktryny ab nacyjanalnaj biaśpiecy, i pryznačeńnie sudździaŭ Viarchoŭnaha, Kanstytucyjnaha sudoŭ», — adkazała Volha Siarhiejeva.
Jana taksama adznačyła, što UNS płanujecca nadzialić pravam admieny luboha rašeńnia dziaržaŭnaha orhana i pravavoha akta. «My vyrašyli, što hetaja norma pavinna być, tamu što UNS — heta vyšejšy pradstaŭničy orhan narodaŭładździa. Ale pakinuli za ramkami paŭnamoctvaŭ UNS rašeńni sudovych orhanaŭ. Inakš byŭ by chaos», — udakładniła sudździa.
Rašeńni prezidenta Siarhiejeva nie nazvała vyklučeńniem z praviłaŭ. To-bok UNS, jakoje, mahčyma, uznačalić Łukašenka, zmoža admianiać rašeńni prezidenta.
Łukašenka pra mahčymaje staršynstva va UNS: Vy pavinny mianie paprasić na kaleniach i padziakavać, kali ja pahadžusia
Łukašenka choča ŭznačalić Usiebiełaruski narodny schod i pieradać UNS važniejšyja paŭnamoctvy
Łukašenka pra pryniaćcie novaj Kanstytucyi: Kali ŭžo ščyra, to mnie hety praces absalutna nie patrebny
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary