Na minskim stadyjonie «Dynama» ŭ niadzielu 7 vieraśnia z 9:00 da 17:00 adbudziecca zakryćcio letniaha siezona prajekta «Sport dla ŭsich». Haściam prapanujuć padarožža «Vakoł sportu za adzin dzień», paviedamlaje «Biełaruś i śviet».
Tematyčnyja zony — «Afryka», «Łacinskaja Amieryka», «Jeŭropa», «Azija» — raspaviaduć pra cikavyja fakty z kožnaha rehijona i stanuć miescam trenirovak na luby hust: ad bačaty i krośfitu da pinh-ponhu i styk-roku (novaha kirunku siarod aktyŭnaściaŭ).
U łakacyi «Dvor» možna budzie zhadać hulni dziacinstva z 80-ch, a ŭ rasparadžeńni junych naviedvalnikaŭ budzie dziciačaja placoŭka z akvahrymam, razmaloŭkami i horkaj.
Na hałoŭnaj scenie zapłanavany zaradki, tancavalnyja sety, konkursy i viktaryny. Chedłajnieram stanie himnastka, čempijonka śvietu i Jeŭropy Kaciaryna Hałkina.
A 12:00 jana praviadzie aŭtarskuju treniroŭku «Čatyry stychii ŭ mastackaj himnastycy», jakaja ŭklučaje raźminku, pracu ŭ parach i raściažku.
A ŭ 16:15 usich čakaje kulminacyja śviata: rozyhryš 20 rovaraŭ ad Prezidenckaha spartyŭnaha kłuba.
Hetym fiestyvalem «Sport dla ŭsich» padviadzie vyniki siezona. Pa vychadnych z červienia pa vierasień na 5 placoŭkach prachodzili biaspłatnyja zaniatki — pa fitniesie, pinh-ponhu, badmintonie, valejbole, dartsie, šaškach, šachmatach. Ich adbyłosia bolš za 220. U prajekt byli ŭciahnutyja 150 trenieraŭ i 20 tysiač čałaviek.
Kamientary