Ježa

Recept na vychadnyja: biezdakorny vienhierski sup-hulaš, jaki niemahčyma sapsavać

U časy zakrytych miežaŭ i amal niedasiažnych padarožžaŭ adzin sa sposabaŭ «naviedać» dalokuju krainu — hastranamičny tur u jaje, jaki možna zładzić prosta ŭ siabie na kuchni. Siońnia pramym rejsam nakiroŭvajemsia ŭ Vienhryju — hatujem tradycyjny navarysty sup hulaš ź jałavičyny. Recept pravierany, a strava — z tych, jakija nie byvajuć niaŭdałymi, navat kali niama čahości ź inhredyjentaŭ ci hatavać trochi pa-svojmu.

Inhredyjenty

  • 1 stałovaja łyžka aleju
  • 1 vialikaja cybulina, narezanaja tonkimi paŭkołcami
  • 3 zubčyki časnyku, narezanyja łustačkami
  • 200 h (a kali hatavać nie na jałavičnym bulonie, a na vadzie — to lepš 300 h) niatłustaj jałavičyny, narezanaj drobnymi kubikami
  • 1 čajnaja łyžka kmienu
  • 2 čajnyja łyžki vendžanaj ci prosta sušanaj papryki-prypravy
  • 400 h kansiervavanych narezanych pamidoraŭ. Zamiest ich možna brać tamatnuju pastu. Kali pastaj — to biarycie jaje trochi mienš, čym pamidoraŭ, dastatkova budzie 200—300 h
  • 600 mł jałavičnaha bulonu — možna zamianić jaho i vadoju
  • 1 vialikaja bulbina, narezanaja kubikami (kali lubicie bolš bulby, biarycie bolš)
  • 1 pierac-papryka, vyčyščany ad nasieńnia i narezany kubikami
  • husty niesałodki johurt ci śmiatana dla zapraŭki
  • ščodraja žmienia śviežaj narezanaj piatruški

Pieršy krok

Razahrejcie alej u vialikaj patelni, dadajcie cybulu i časnok i absmažcie na praciahu 5 chvilin, pakul jany nie pačnuć rumianicca. Dadajcie jałavičynu, pavialičcie ahoń i smažcie, pamiešvajučy, kab jana padrumianiłasia taksama.

Druhi krok

Dadajcie kmien i papryku, dobra źmiašajcie, zatym dadajcie pamidory (ci tamat-pastu) i bulon (ci vadu zamiest bulonu). Zakryjcie nakryŭkaj i pakińcie tušycca na pavolnym ahni na 40—70 chvilin (čas zaležyć ad jakaści jałavičyny — kali miasa ćviordaje, sa staroj žyvioły, pratušycie jaho daŭžej, da miakkaści). Dadajcie bolš vady, kali bačycie, što varyva stała zanadta hustym. 

Treci krok

Dadajcie bulbu i pierac-papryku, nakryjcie i hatujcie jašče 20 chvilin da hatoŭnaści. Sup-hulaš pavinien być davoli husty, a kubiki miasa — dobra vytušanymi, da stanu, kali jany lohka raździalajucca łyžkaju. Dajcie trochi astyć, zatym padavajcie — možna ź johurtam, možna sa śmiatanaj, dobra pasuje i piatruška (pačakajcie momantu, kab sup nie byŭ zanadta haračym, inakš jon zabje karysnyja bakteryi ŭ johurcie ci śmiatanie).

Smačna jeści!

Kamientary

Ciapier čytajuć

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ4

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ

Usie naviny →
Usie naviny

Premjeru i śpikieru Siejma Litvy prypomnili, što jany 17 hadoŭ tamu jeździli ŭ Biełaruś6

Padčas urahanu ŭ Mahilovie viecier źnios sabačuju budku razam z sabakam1

Pamior śpiavak Ozi Osbarn14

Pamior Edvard Zajkoŭski8

Asudžany za «Hajun» da chimii brat Ihara Łosika ŭciok ź Biełarusi11

«Sam by pajšoŭ vajavać, kali b hałava nie kružyłasia». Eduard Małafiejeŭ raskazaŭ pra svaje kryŭdy, Łukašenku i vajnu16

Čamu Łukašenka nie Alijeŭ13

Pad Hrodnam znajšli lisičku, jakaja prarasła praz čerap

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy3

bolš čytanych navin
bolš łajkanych navin

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ4

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić