Rasija rychtujecca zadziejničać u vajnie suprać Ukrainy niepaŭnaletnich?
Z dakumienta, jaki trapiŭ u sieciva, vynikaje, što z-za niedachopu žyvoj siły dla papaŭnieńnia šerahaŭ rasijskaj armii kiraŭnictva Kramla razhladaje mahčymaść pryciahnieńnia da bajavych dziejańniaŭ niepaŭnaletnich hramadzian RF.
Ukrainskaja raźviedka paviedamlaje, što adpaviedny zahad «Ab arhanizacyi pryciahnieńnia členaŭ vajenna-patryjatyčnaha hramadskaha ruchu «Junarmija» da praviadzieńnia śpiecyjalnaj apieracyi na terytoryi Ukrainy» padpisany ministram abarony RF Šajhu.
U zahadzie havorycca ab padrychtoŭcy spravazdačy pra patencyjny čałaviečy rezierv va ŭzroście 17-18 hadoŭ dla pryciahnieńnia da bajavych dziejańniaŭ u składzie rasijskaj armii. Vyšejšaje vajennaje kiraŭnictva RF pavinna dać prapanovy pa praviadzieńni padrychtoŭki nazvanaha asabovaha składu ŭ samyja karotkija terminy. Kantrol za vykanańniem zahadu ŭskładzieny na načalnika hałoŭnaha vajenna-palityčnaha ŭpraŭleńnia VS RF Hienadzia Žydka.
«Junarmija» — rasijskaja dziciača-junackaja militarnaja arhanizacyja pry Ministerstvie abarony RF. Členami arhanizacyi stanoviacca dzieci z 8 hadoŭ.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi49
Kamientary