Krynicy: Nočču z DFR vyjšaŭ kiraŭnik banka BiełVEB Vasil Maciušeŭski
Nočču z DFR vyjšaŭ kiraŭnik banka BiełVEB i eks-vice-premjer Vasil Maciušeŭski. Jaho namieśnikaŭ pakinuli ŭ izalatary.
Krynicy «Našaj Nivy» kažuć, što sens vypuskańnia bankira ŭ tym, kab jon zmoh apieratyŭna znajści srodki dla kampiensacyi «škody».
Pra zatrymańnie Vasila Maciušeŭskaha i jaho namieśnikaŭ stała viadoma ŭčora. Siarod zatrymanych byli taksama pieršy namieśnik Maciušeŭskaha Taras Nadolny, namieśniki staršyni Anatol Barysievič, Viktar Pierapialica i Dźmitryj Laŭdanski, člen praŭleńnia Anatol Paŭłovič i dyrektar pa raźvićci banka Alaksiej Mazžuchin.
Vasil Maciušeŭski — adna z klučavych postaciaŭ u biełaruskich biznes-kołach.
Bank «BiełVEB» — heta daččynaja struktura rasijskaha «Źniešekanombanka». «BiełVEB» uvachodzić u vialikuju siamiorku biełaruskich bankaŭ i kredytuje ŭ asnoŭnym dziaržaŭnyja biełaruskija pradpryjemstvy.
Čytajcie taksama:
Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
Asudžany za «Hajun» da chimii brat Ihara Łosika ŭciok ź Biełarusi3
Kamientary