Ci pachavali polskaha sałdata Emila Čečku, jakoha znajšli ŭ Minsku paviešanym?
Bolš za miesiac tamu, 17 sakavika, polskaha pierabiežčyka znajšli paviešanym u kvatery, dzie jon žyŭ u Minsku. «Narodnaja Vola» pacikaviłasia, ci adbyłosia jaho pachavańnie, bo nijakaj aficyjnaj infarmacyi na hety kont nie było.
U śniežni 2021 hoda polski sałdat Emil Čečka paprasiŭ prytułku ŭ Biełarusi. Paźniej na śpiecyjalna arhanizavanaj pres-kanfierencyi jon raskazaŭ šakujučyja i niepraŭdapadobnyja historyi pra zabojstvy mihrantaŭ na polskaj miažy. Pry hetym byccam jon sam stralaŭ u biežancaŭ.
Śledčy kamitet Biełarusi raspačaŭ kryminalnuju spravu ab hibieli mihrantaŭ na biełaruska-polskaj hranicy, pa jakoj Emil Čečka prachodziŭ śviedkam. A tym časam prakuratura Biełastoka raspačała kryminalnuju spravu ŭ dačynieńni da Čečki za deziercirstva.
«Narodnaja Vola» zapytałasia, ci maje niejkija naviny pra spravu Emila Čečki namieśnik Nadzvyčajnaha i Paŭnamocnaha Pasła Polščy ŭ Respublicy Biełaruś Marcin Vajciachoŭski. Moža, cieła polskaha sałdata addali dla pachavańnia svajakam albo viadomyja vyniki ekśpiertyzy?
«Ničoha nie viedaju, — adkazaŭ dypłamat. — Źviartajciesia da biełaruskich uład, bo jon pamior u Biełarusi. U mianie niama nijakaj infarmacyi na hety kont».
Viadoma, što Emilem Čečkam apiekavaŭsia dyrektar centra «Sistemnaja pravaabarona». Jon pieršy zabiŭ tryvohu, kali Čečka nie źjaviŭsia ŭ ofisie na pracy. Bielakoŭ pajšoŭ u kvateru, dzie žyŭ Čečka, i znajšoŭ jaho ŭžo niežyvym. «Ja vyklikaŭ milicyju, — raspaviadaŭ Dźmitryj Bielakoŭ žurnalistam. — Śledčyja vyznačajuć abstaviny śmierci».
Dźmitryj Bielakoŭ nie vyklučaŭ i hvałtoŭny charaktar śmierci palaka: «Emil Čečka źjaŭlajecca śviedkam pa klučavych spravach u Polščy, na jaho adras pastupali pahrozy».
— Nakolki mnie viadoma, pachavańnia nie było, śledstva idzie, — adkazaŭ «Narodnaj Voli» Bielakoŭ. — Jašče viaducca śledčyja mierapryjemstvy. Dumaju, mnie b paviedamili nakont pachavańnia. My vyrašali b pytańni i z ambasadaj, i ź jahonaj maci. Miarkuju, što śledčyja orhany źviazvalisia z pasolstvam i jahonaj maci.
Dzie i kali Čečku buduć chavać, Bielakoŭ nie viedaje.
— Dumaju, budziem vyrašać hetaje pytańnie z pasolstvam. Miarkuju, što jaho tut kremirujuć i prach pieradaduć praz ambasadu na radzimu, kali ŭ nas atrymajecca znajści ahulnuju movu z polskim pasolstvam.
Polskaha deziercira Emila Čečku pryznali vinavatym u ździekach z maci
«Na zachadzie ja rasstrelvaŭ hrupy mihrantaŭ u kolkaści prykładna dvaccaci čałaviek štodnia». Čamu Emil Čečka dahetul na svabodzie i navat daje pres-kanfierencyi?
Ciapier čytajuć
Dźmitryj Łukašenka choča pastavić pad kantrol usie mabilnyja telefony10
Kamientary