Za pieršaje paŭhodździe 2025 hoda Biełaruś uvajšła ŭ trojku najbujniejšych imparcioraŭ syroŭ z Rasii — razam z Kazachstanam. Pavodle źviestak rasijskaha «Ahraeksparta», pastaŭki ŭ Biełaruś vyraśli na 39% u paraŭnańni z anałahičnym pieryjadam minułaha hoda, u toj čas jak u Kazachstan — na 15 %. U top-5 imparcioraŭ taksama ŭvajšli Uźbiekistan, Kyrhyzstan i Azierbajdžan, piša Myfin.by.
Usiaho za šeść miesiacaŭ Rasija ekspartavała syroŭ i tvarahu na $70 miljonaŭ — na 20% bolš, čym letaś. U vahavym ekvivalencie heta kala 14 tysiač ton.
Asnoŭnymi drajvierami rostu stali maładyja syry, prodaž jakich vyras na 33% (da $33 miljonaŭ), a taksama płaŭlenyja syry, čyja dola ŭ eksparcie pavialičyłasia na 16%, da $25 miljonaŭ.
Ekspartny patencyjał rasijskich syroŭ, pavodle prahnozaŭ, moža dasiahnuć $180 miljonaŭ da 2030 hoda.
Unutry samoj Rasii vytvorčaść syroŭ taksama raście: z 800 tysiač ton u 2020 hodzie da bolš za 1 miljona ton u 2024-m. Za studzień — maj 2025 hoda vyrablena ŭžo 416 tysiač ton syrnaj pradukcyi, ź jakich 342 tysiač ton — heta niepasredna syry.
Žonka traktarysta ŭraziła kolkaściu syroŭ i kaŭbas, jakija padaryli mužu na pracy
Syravarnia ŭ Kopysi, jakuju ŭčora inśpiektavaŭ Łukašenka, naležyć Siarhieju Ciacierynu. Ale, vidać, nie nadta jaho raduje
U Biełarusi pačali vypuskać syr ź biełym trufielem
«Vo adkul dzirki ŭ syry!» Na syrnym pryłaŭku minskaha hipiermarkieta zaŭvažyli pacuka VIDEA
Łukašenka źviarnuŭ uvahu na koz
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary