Za adzin miesiac ceny na kvatery ŭ Minsku ŭpali adrazu na 8%

Pačatak hoda abiacaŭ rynku nieruchomaści ažyŭleńnie: kolkaść ździełak z kvaterami ŭ studzieni-lutym była adnoj z samych vysokich za apošniaje dziesiacihodździe, sastupajučy tolki ŭdałamu 2018 hodu. Ale z paharšeńniem palityčnaj i ekanamičnaj abstanoŭki padstaŭ dla praciahu rostu popytu na kvatery ŭ stalicy nie stała.

Reakcyja rynku ŭ sakaviku na situacyju nie prymusiła siabie čakać — u paraŭnańni ź lutym kolkaść ździełak skaraciłasia na 18%, ledź pieravysiŭšy adznaku ŭ 1000. Heta prykmietna nižej za siaredniaje značeńnie dla pačatku viasny, ale ŭsio jašče vyšej, čym u kryzisnyja 2014-2015 hady.

Kolkaść abjaŭ ab prodažy kvater za luty vyrasła na 4% da studzienia, u sakaviku — zastavałasia praktyčna takoj ža.

Pavialičyć

Što kuplali ŭ sakaviku?

Skaračeńnie popytu prachodziła nieraŭnamierna pa roznych typach kvater. Mienš za ŭsio skaraciłasia kolkaść ździełak z trochpakajovymi — tolki na 10%. Udvaja radziej u paraŭnańni ź lutym zaklučali ździełki z 4-pakajovymi kvaterami, na tracinu skaracilisia prodažy dvuchpakajovak, na 17% — adnapakajovak. Tym nie mienš, niahledziačy na takoje istotnaje źnižeńnie, 1-pakajovyja kvatery pa-raniejšamu składajuć kala pałovy ŭsiaho popytu, 2-pakajovyja — tracinu.

Na praciahu ŭsiaho minułaha hoda ŭ struktury ździełak adznačałasia pavyšanaja cikavaść da kvateraŭ u novych hatovych damach. Ad miesiaca da miesiaca ich dola składała ŭ siarednim 20-25%. U 2022 hodzie hetaja tendencyja prajaviła siabie ŭ tolki studzieni, a ŭžo pačynajučy ź lutaha ŭdzielnaja vaha kvater u hatovych novabudach skaraciłasia da 15%, u sakaviku — da svaich zvyčajnych značeńniaŭ (13%).

Najbolš papularnymi ŭ pakupnikoŭ byli kvatery, jakija raźmiaščajucca ŭ Frunzienskim, Centralnym i Maskoŭskim rajonach. Čaściej za astatnija vybirali sučasnyja karkasnyja i typavyja panelnyja damy, radziej — staryja cahlanyja damy i sučasnyja panelki.

Što z cenami?

Na fonie kryzisnych palityčnych i ekanamičnych padziej siaredniaja cana kvadratnaha mietra za miesiac skaraciłasia adrazu na 8% i skłała 1242$.

U zaležnaści ad kolkaści pakojaŭ situacyja była nastupnaj (+miedyjana absalutnych cen):

— 1-pakajovyja kvatery: 1319 $/m2 (—7.4% za miesiac) — $ 45 000;
— 2-pakajovyja kvatery: 1195 $/m2 (—8.2%) — $ 55 000;
— 3-pakajovyja kvatery: 1134 $/m2 (—8.4%) — $ 68 300;
— 4-pakajovyja kvatery: 1036 $/m2 (—8.7%) — $ 76 000.

Pavialičyć

Pavialičyć

Hetaja cana prapanovy mocna schilnaja da ŭpłyvu abjavaŭ ab prodažy kvater u asobnych novabudach (nie ŭsiaho pieršasnaha rynku). Pavodle raźlikaŭ, biez uliku novabudaŭ siaredniaja cana prapanovy kvadratnaha mietra ŭ sakaviku składała 1327$ (-1% za miesiac). U zaležnaści ad kolkaści pakojaŭ situacyja była nastupnaj:

1-pakajovyja kvatery — 1423 $/m2 (-0.4% za miesiac),
2-pakajovyja kvatery — 1361 $/m2 (-1.4%),
3-pakajovyja kvatery — 1255 $/m2 (-1.5%),
4-pakajovyja kvatery — 1216 $/m2 (-2.6%).

Pa vynikach sakavika adroźnieńni pamiž mikrarajonami stalicy vyhladali nastupnym čynam:

Pavialičyć

• 4
• 0
• 0
• 0
• 0
• 0
• 0
• 0