U Litvie — samaja nizkaja za 60 hadoŭ naradžalnaść. Palityki spadziavajucca na biełarusaŭ i ŭkraincaŭ
Naradžalnaść u Litvie samaja nizkaja za 60 hadoŭ, a śmiarotnaść — rekordnaja, paviedamlajecca ŭ pieradačy Info diena. Palityki ličać, što situacyju vyratujuć biełarusy i ŭkraincy, ale ekśpierty kažuć, što heta tolki karotkaterminovaje rašeńnie, piša Delfi.
Letaś u Litvie pamierła 48 tysiač čałaviek, dziaciej naradziłasia ŭdvaja mienš — bolš za 24 tysiačy.
U 2021 hodzie było na 4 tysiačy bolš śmierciaŭ, čym hodam raniej.
«Demahrafija Litvy pieražyvaje peŭnyja vykliki, vielmi surjoznyja vykliki. Možna navat skazać, što ŭ najaŭnaści peŭny demahrafičny kryzis», — zajaviła Info diena staršynia Nacyjanalnaj rady pa spravach siamji Ramunie Jurkuvienie.
Ekśpierty, što sabralisia ŭ Siejmie, paviedamili: Litva zastajecca lidaram u ES pa kolkaści razvodaŭ.
Abnadziejvaje tolki toje, što čakajecca pavieličeńnie praciahłaści žyćcia mužčyn i źnižeńnie tempaŭ emihracyi. Ale, pavodle acenak navukoŭcaŭ, hetaha budzie niedastatkova, i niedachop pracaŭnikoŭ budzie fiksavacca i dalej.
«Jak ratavalisia inšyja krainy — sabrali ŭ ZŠA i mocnych jeŭrapiejskich krainach samych razumnych z usiaho śvietu. Ničoha inšaha prydumlać nie budziem, nam daviadziecca prystasoŭvacca da sistemy abo budavać kalučy płot nie tolki ź Biełaruśsiu, ale i z Polščaj i Łatvijaj», — skazaŭ deputat Siejma Alhirdas Sisas.
Palityki miarkujuć, što situacyju vyratujuć ukraincy i biełarusy, što prybyvajuć u Litvu.
«Heta karotkaterminovaje rašeńnie, jano nie spryjaje doŭhaterminovamu ŭstojlivamu demahrafičnamu raźvićciu», — skazaŭ Daŭmantas Štumbrys, kiraŭnik Centra demahrafičnych daśledavańniaŭ i ekśpiertyzy.
Analityki prosiać nie śpisvać z rachunkaŭ i vioski, što źnikali. Kažuć, usio bolš ludziej, asabliva litoŭcaŭ, jakija viarnulisia z-za miažy, pierajazdžajuć ź vialikich haradoŭ u rehijony. Kolkaść dazvołaŭ na budaŭnictva žylla ŭ siami bolš drobnych rehijonach pavialičyłasia amal udvaja.
-
U Izraili vykryli mižnarodnuju sietku, jakaja zajmałasia handlem žančynami. Dapamahła ahientka ź Biełarusi
-
Aeraporty Vilni i Koŭna dazvolili pranosić na bort da 2 litraŭ vadkaści ŭ ručnoj pakłažy
-
Praz rasijska-biełaruskija vajskovyja vučeńni Litva zakryła pavietranuju prastoru na miažy ź Biełaruśsiu
Ciapier čytajuć
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach1
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary