Prezident Litvy: Zbožža z Ukrainy nie moža iści praź Biełaruś, heta prosta niebiaśpiečna
Zbožža z Ukrainy nie moža transpartavacca ŭ bałtyjskija party praź Biełaruś, bo raniej paškodžanyja, ale z hetaj metaj adramantavanyja čyhunki na ŭkrainska-biełaruskaj miažy mohuć pasłužyć dla novych vajennych udaraŭ, zajaviŭ prezident Litvy Hitanas Naŭsieda.
«Davajcie spačatku pahladzim z pazicyi Ukrainy. Chočuć skazać, što treba pryvieści ŭ paradak usiu infrastrukturu, treba pryvieści ŭ paradak ruch, kab zbožža ruchałasia z terytoryi Ukrainy praź Biełaruś u krainy Bałtyi.
Ale ci nie zdarycca tak, što pa hetaj naładžanaj infrastruktury na niejkim etapie vajny pačnie ruchacca vajskovaja technika ŭ zvarotnym kirunku? Im varta vielmi aściarožna aceńvać takuju pierśpiektyvu», — zajaviŭ u paniadziełak žurnalistam Naŭsieda.
Pa słovach litoŭskaha prezidenta, Alaksandr Łukašenka daŭ zrazumieć, što padtrymlivaje rasijskuju vajennuju ahresiju, a značyć, pra pieravozku hruzaŭ praz hetuju krainu nie moža być i havorki.
«Na moj pohlad, apošnim časam situacyja tolki pahoršyłasia, i Łukašenka pakazaŭ, što jon u adnoj łodcy z Uładzimiram Pucinym u hetaj hniusnaj ahresii. Majo mierkavańnie i acenka nie mianiajucca — treba šukać inšyja alternatyvy», — skazaŭ Naŭsieda.
Jon nie bačyć mahčymaści adnaŭleńnia tranzitu biełaruskich uhnajeńniaŭ praź Litvu — takuju ŭmovu dla pieravozki ŭkrainskaha zbožža praź Biełaruś vyłučaje Łukašenka.
«Jeŭrapiejski Sajuz uvioŭ vielmi vyraznyja sankcyi ŭ dačynieńni da uhnajeńniaŭ, Litva paŭtaryła hetyja sankcyi,
i što — davajcie zakryjem vočy i skažam, što Łukašenka raptam staŭ značna bolš prymalnym lidaram ci zrabiŭ niešta dobraje, tamu my pavinny admianić hetyja sankcyi?», — skazaŭ Nausieda.
Čytajcie taksama:
Prezident Litvy: Pieravozka zbožža praź Biełaruś niesumiaščalnaja z sankcyjnaj palitykaj ES
Prezident Litvy: U nas jość ahulny abaviazak — być na pravilnym baku historyi
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary