Za maj rynak novych aŭtamabilaŭ upaŭ na 30%. Kali paraŭnoŭvać z majem 2021 hoda, to padzieńnie pieravysiła 80%. Biełaruskaja aŭtamabilnaja asacyjacyja prahnazuje taksama deficyt mašyn.
U mai ŭ Biełarusi było pradadziena 629 aŭtamabilaŭ. Heta na 30% mienš, čym u krasaviku.
Pavodle infarmacyi Biełaruskaj aŭtamabilnaj asacyjacyi, taki vynik źviazany ź istotnaj źmienaj cenaŭ na bolšaść papularnych madelaŭ, a taksama paharšeńniem umoŭ kredytavańnia.
U apošnija hady bolš za 70% prodažaŭ biełaruskaha rynku prypadała na aŭtamabili, vyrablenyja ŭ Rasii. Pačynajučy z sakavika vytvorcy pavyšali adhruzačnyja ceny — ad 40 da 70%. Paźniej adbyłosia ŭmacavańnie kursu rasijskaha rubla, što taksama paŭpłyvała na farmavańnie prajs-listoŭ i pryviało da sumarnaha pavieličeńnia koštaŭ dla biełaruskich dyleraŭ da 95%.
Pavodle prahnozaŭ Biełaruskaj aŭtamabilnaj asacyjacyi, jość usie pieradumovy dla taho, kab situacyja pahoršyłasia.
Uličvajučy toje, što bolšaść aŭtamabilnych zavodaŭ u Rasii spyniła vytvorčaść, pakupniki ŭ Biełarusi ŭžo ŭ najbližejšyja miesiacy mohuć sutyknucca z deficytam aŭtamabilaŭ.
Usie aŭtamabilnyja dylery ciapier znachodziacca ŭ niaprostym stanoviščy. U situacyi, jakaja skłałasia, adzinaj krynicaj dachodu dla ich zastajecca servis.
Kamientary