Prezident Ukrainy Uładzimir Zialenski u intervju CNN nazvaŭ premjer-ministra Vialikabrytanii Borysa Džonsana sapraŭdnym siabrom Ukrainy i vykazaŭ upeŭnienaść, što palityka Łondana ŭ dačynieńni da Ukrainy nie źmienicca ŭ najbližejšy čas, niahledziačy na adstaŭku premjera.
U kancylaryi brytanskaha premjera paviedamili, što Zialenski ŭ telefonnaj razmovie asabista padziakavaŭ Džonsanu za rašučyja dziejańni ŭ dačynieńni da Ukrainy, a Džonsan, u svaju čarhu, paabiacaŭ praciahnuć pracu z partniorami pa spynieńni zbožžavaj błakady Ukrainy ŭ nastupnyja tydni.
«Prezident Zialenski padziakavaŭ premjer-ministru za jaho rašučyja dziejańni ŭ dačynieńni da Ukrainy i skazaŭ, što ŭkrainski narod udziačny za namahańni Vialikabrytanii, — paviedamiŭ pres-sakratar Džonsana.
— Premjer-ministr skončyŭ razmovu, pachvaliŭšy prezidenta Zialenskaha i skazaŭšy: «Vy hieroj, usie vas lubiać».
Kamientary