Rasii i Biełarusi pahražaje zabarona na ŭdzieł u Alimpijskich hulniach u 2024 hodzie ŭ Paryžy, zajaviŭ Krejh Rydzi, člen Mižnarodnaha alimpijskaha kamiteta i były kiraŭnik Suśvietnaha antydopinhavaha ahienctva, piša The Guardian.
Krejh Rydzi miarkuje, što ŭ Rasii i Biełarusi mała šancaŭ viarnucca nabližejšym časam u mižnarodny sport. Pavodle jaho, bolšaść spartsmienaŭ z Rasii i Biełarusi sutykajucca z tym, što jany nie mohuć udzielničać u spabornictvach, u jakich praduhledžana kvalifikacyja na Alimpijskija hulni — 2024, bo adpaviednyja mižnarodnyja fiederacyi ciapier ich nie dapuskajuć.
«Tamu, na pieršy pohlad, małavierahodna, što niechta ź ich zmoža prajści kvalifikacyju, akramia jak u troch vidach sportu (viełasport, dziudo, tenis), jakija dziejničali inakš. I ci zmohuć navat jany kvalifikavacca? Ja nie ŭpeŭnieny.
Taksama, kali dumać pra spartsmienaŭ ź inšych krain, vielmi składana budzie skazać im na paŭdarohi: «Usie vy, chto ŭžo prajšoŭ kvalifikacyju, my źmianili praviły».
«Nieabchodna pryniać rašeńnie ab tym, što adbudziecca z kožnaj z hetych dźviuch krain, i ja miarkuju, što ahulnaje mierkavańnie budzie zaklučacca ŭ tym, što jany nie pavinny prachodzić kvalifikacyju», — dadaŭ Rydzi.
U lutym 2022 hoda MAK rekamiendavaŭ spartyŭnym fiederacyjam nie zaprašać rasijskich i biełaruskich spartsmienaŭ na spabornictvy. Kali heta niemahčyma pa arhanizacyjnych abo jurydyčnych pryčynach, MAK rekamiendavaŭ dapuskać spartsmienaŭ abo kamandy z hetych krain nie ad imia svaich krain, a tolki ŭ niejtralnym statusie.
-
Adzin trenier pracuje na Alimpijadzie adrazu z 16‑ciu fihurystami z 13‑ci krain. Tolki paśpiavaj pieraapranacca
-
Frańja fon Almien staŭ trochrazovym alimpijskim čempijonam
-
Uładalnik «MŁ Viciebsk» pra mety kłuba: Vyjhrać čempijanat, Kubak i Supierkubak, a taksama prajści ŭ hrupavy etap adnaho ź jeŭrakubkaŭ
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary