U Vińnicy raźvitalisia z čatyrochhadovaj Lizaj, jakaja zahinuła ŭ vyniku rakietnaha abstrełu
U Vińnicy rodnyja, siabry i haradžanie raźvitalisia z čatyrochhadovaj Lizaj Dźmitryjevaj, jakaja zahinuła 14 lipienia ad rakietnaha abstrełu. Mama dziaŭčynki pa-raniejšamu znachodzicca ŭ adnoj z balnic horada z traŭmaj žyvata.
U dzień abstrełu, 14 lipienia, Liza z mamaj išła na zaniatki da łahapieda. U dziaŭčynki byŭ sindrom Dauna, u paŭhadovym uzroście jana pieražyła ciažkuju apieracyju na sercy, raskazała jaje babula Łarysa.
Liza zahinuła imhnienna. Mamu z traŭmaj žyvata špitalizavali.
«Jany jaje vielmi lubili. Ja ŭspaminaju, jak babula raspaviadała, jak jana pračynajecca z ranicy krychu raniej, kab mamu nie budzić, to da babuli padychodzić, adkryvaje joj vočy i kaža: «Nie śpi». A babula rabiła vyhlad, što śpić, kab, mahčyma, i jana jašče paspała, ale jana rana pračynałasia. U ich jość sabaka mops, nie pamiataju, jak zavuć, to jamu taksama budzie ciažka, tamu što Liza na im i spała, i lažała. Usim ciažka, siamji — ciažej za ŭsio», — raskazała kaleha babuli Halina Sidarenka.
Sa słoŭ ža babuli dziaŭčynki Łarysy, adrazu paśla rakietnaha ŭdaru mama Lizy ŭ telefonnaj razmovie raskazała, što jaje dačka zahinuła. Ale pakul žančyna nie pamiataje hetaha, a lekary zabaranili raspaviadać pacyjentcy praŭdu.
«U Iryny stan ciažki, praŭda, stabilny. Dobra, što jana pryjšła ŭ prytomnaść. Jana nie viedaje vielmi mnohich abstavinaŭ, i navat pra siońniašniuju padzieju my taksama jaje jašče nie infarmavali. I spadziajemsia prosta na jaje vyzdaraŭleńnie, na tyja siły, jakija nieabchodnyja joj, i tym ludziam, jakija paciarpieli ad trahiedyi. Bo, akramia historyi Iryny i Lizańki, jość jašče historyi, kali baćki i dzieci paciarpieli», — kaža vińničanka Alena.
U vyniku rasijskaj ataki ŭ Vińnicy zahinuli jašče dva chłopčyki — siami i vaśmi hadoŭ. Adzin ź ich prachodziŭ abśledavańnie ŭ miedcentry, zahinuŭ razam z mamaj. Druhi čakaŭ dziadźku ŭ pryparkavanym aŭto i trapiŭ u vohniennuju pastku.
Rasieja zrabiła rakietny abstreł Vińnicy rakietami typu «Kalibr» z padvodnaj łodki z akvatoryi Čornaha mora 14 lipienia ŭ 10.45. Zahinuli 24 čałavieki, siarod ich troje dziaciej. Miedycynskuju dapamohu akazali 202 ludziam. U balnicach horada praciahvajuć lačeńnie 68 pacyjentaŭ, siarod jakich 4 dziaciej.
Čytajcie taksama:
«Usiamu śvietu ŭsio roŭna». Ukrainka, čyja maleńkaja dačka zahinuła pad rakietami ŭ Vińnicy, parazmaŭlała z žurnalistami
Dziaŭčynka, jakaja zahinuła ŭ Vińnicy, zdymałasia ŭ kaladnym roliku z Alenaj Zialenskaj
Ukrainskija ratavalniki apublikavali strašnaje FOTA ź Vińnicy
Rasijanie ŭdaryli rakietami pa centry Vińnicy. Šmat ludziej zahinuła, u tym liku dzieci
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
bo ja 2 hady nie čytała vas. nu jak nie čytała... trochi zahladała kaniečnie... ale tak - raz na miesiac i na 2 siek
dyk vy raniej asabliva nie pisali pra vajnu... a tut
pačali pram bambić hetymi fotami niaščastnych dziaučynak... čamu?
vam zapłatili?
vied́ jeje tak tronuła śmierť etoj dievočki…