Jak uratavać budynki ŭ Vieniecyi? Adna kampanija śćviardžaje, što znajšła sposab
Navukoŭcy ličać, što Vieniecyja moža ŭ najbližejšyja dziesiacihodździ pahruzicca ŭ vadu. Ale ž adna kampanija prapanuje sposab, jaki dazvolić choć trochi palehčyć žyćcio lehiendarnamu horadu, i zrabić heta jana choča z dapamohaj «latučych łodak».
Šviedskaja kampanija Candela śćviardžaje, što jaje elektryčnyja łodki mohuć dapamahčy ŭ baraćbie z moto ondoso — škodnaj źjavaj, kali chvali ad łodak, jakija ruchajucca pa horadzie, bjucca ab budynki i tratuary, piša CNN.
JUNESKA ličyć, što nieabchodna rezka pamienšyć upłyŭ matornych łodak na horad, i pradukcyja Candela jakraz nakiravanaja na heta. Kampanija stvaryła madeli łodak Candela C-8 i P-8 Voyager, jakija ruchajucca na vysokaj chutkaści, ale pry hetym amal nie stvarajuć chvalaŭ. P-8 Voyager moža brać pasažyraŭ i vykarystoŭvacca jak taksi ci katar, tamu hetaja madel moža atrymać papularnaść na vieniecyjanskich kanałach.
Łodki stvarajuć chvali vyšynioj usiaho ŭ 5 santymietraŭ, čaho nie chopić, kab paškodzić budynki dy tratuary. Ruchajucca ž jany z chutkaściu 55 kiłamietraŭ za hadzinu, što anałahična chutkaści ručnoj handoły.
U červieni Candela anansavała stvareńnie 30-miascovaj łodki P-12, jakaja budzie zdolnaja ruchacca z chutkaściu da 60 kiłamietraŭ za hadzinu. Hety parom, ličać vytvorcy, daść Vieniecyi šans pieramahčy zatory ŭ pikavyja hadziny.
Elektramabili — źjava, jakaja ŭžo nabyła papularnaść, u adroźnieńnie ad elektryčnych łodak nakštałt pradukcyi Candela. Kanstrujavać takija łodki ciažka, bo na efiektyŭnaść ich pracy ŭpłyvaje i supraciŭleńnie vady korpusu łodki, i vaha batarei. Tamu ŭ bolšaści vypadkaŭ kanstruktaram prychodzicca achviaravać abo chutkaściu łodki, abo jaje mahčymaściu ruchacca na vialikija adlehłaści.
Batarei łodki jomistaściu 100 kVt·h chopić tolki na toje, kab prapłyć 55 kiłamietraŭ na chutkaści kala 35 kiłamietraŭ za hadzinu, paśla hetaha jana razradzicca. Ale kali padniać korpus łodki z vady, heta dapamoža vyrašyć prablemu supraciŭleńnia vadkaści, mienavita tak i zrabili ŭ Candela. Jak śćviardžaje kampanija, jaje łodki majuć KKD 400% i mohuć płyć na praciahu 150 chvilin, i tolki paśla hetaha im spatrebicca padzaradka.
Jość adna prablema: kab łodka padniała korpus, joj treba nabrać peŭnuju chutkaść, jakaja źjaŭlajecca zanadta vysokaj dla najbolš papularnych turystyčnych punktaŭ u Vieniecyi. Ale ž pa-za miežami centra horada elektryčnyja łodki ad Candela sapraŭdy možna vykarystoŭvać.
Biełaruskaja Vieniecyja ŭ Žytkavickim rajonie FOTAFAKT
10 rečaŭ, pra jakija nie buduć viedać našy naščadki
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary