Ukrainski bok: Vybuchami ŭ Krymie źniščana 9 samalotaŭ, aeradrom vyviedzieny sa stroju
Na avijabazie «Saki» ŭ časova akupavanym Krymie ŭ vyniku ŭčorašnich vybuchaŭ źniščana 9 samalotaŭ, aeradrom vyviedzieny sa stroju. Pra heta napisaŭ u fejsbuku staršynia kamiteta Viarchoŭnaj Rady Ukrainy pa pytańniach nacyjanalnaj biaśpieki, abarony i raźviedki Alaksandr Zavitnievič.
«Minus 9 samalotaŭ akupantaŭ, vyviedzieny z ładu aeradrom! Miarkujučy pa vybuchach, na avijabazie «Saki» ŭ časova akupavanym Krymie taksama patrapili i ŭ skład avijacyjnaha ŭzbrajeńnia. Na hetaj bazie rasijanie ŭ asnoŭnym raźmiaščali šmatmetavyja źniščalniki Su-30SM, taktyčnyja raźviedčyki Su-24MR, vajskova-transpartny Ił-76 i inšuju avijatechniku», — adznačyŭ deputat.
Pavodle infarmacyi Zavitnieviča, z Novafiodaraŭki vylatali samaloty, jakija nanosili rakietnyja ŭdary pa Ukrainie, u pryvatnaści supraćradyjołakacyjnymi rakietami dla padaŭleńnia ŭkrainskaj supraćpavietranaj abarony.
«Hety aeradrom źjaŭlajecca adnym z klučavych aeradromaŭ Krymskaha paŭvostrava dla rasijskaj avijacyi. Da 2014 hoda heta była baza Uzbrojenych siłaŭ Ukrainy, jakuju my abaviazkova vierniem», — padkreśliŭ jon.
9 žniŭnia prahučała sieryja vybuchaŭ i adbyŭsia pažar na terytoryi aeradroma «Saki» ŭ rajonie nasielenaha punkta Novafiodaraŭka ŭ časova akupavanym Rasijaj Krymie. Pavodle źviestak krymskich ŚMI, adzin čałaviek zahinuŭ i jašče piaciora paciarpieli.
U Minabarony Rasii śćviardžali, što vybuchi adbylisia nibyta z-za taho, što zdetanavali bojeprypasy. Paviedamlałasia pra paciarpiełych i adnaho zahinułaha.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary
Ja b na miescy ukraincaŭ daŭbanuŭ by, tym bolš ciapier jość čym.