Pra rost zachvorvańnia na kavid raspaviała ŭ efiry STB načalnica adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
Jana nahadała pra toje, što źjaviŭsia štam «nindzia», ale praciakaje chvaroba hetak ža, jak i inšyja štamy «amikrona» i navat u bolš lohkaj formie.
— «Nindzia» pakul raspaŭsiudžvajecca, u asnoŭnym, u ZŠA i ŭ Jeŭropie. Pavodle tych źviestak, jakija ŭ ich jość, jon praciakaje ŭ lohkaj i siaredniaj stupieni ciažkaści, — skazała Ina Karaban.
Pa jaje słovach, ciapier u Biełarusi adznačajecca nievialikaje pavieličeńnie kolkaści chvorych.
«My bačym, što ŭžo pacichu vypadki pačynajuć pavialičvacca. I situacyja ŭ krainach vakoł nas heta pakazvaje. Karanavirus stanovicca bližejšym da siezonnaha. Čakajem, jak i hryp, ale tolki jon budzie krychu raniej, čym hryp».
Što da pryščepak, to ŭ Biełarusi vakcynacyju pravodziać rasijskim «Sputnikam» i kitajskim «Sinafarmam».
«Ministerstva achovy zdaroŭja prapracoŭvaje pytańni z nahody novych vakcyn. Heta taja ž internazalnaja vakcyna. Kali budzie zapyt na vakcynacyju dziaciej bolš małodšaha ŭzrostu, to, moža być, my razhledzim vakcynu kubinskaj vytvorčaści, jakaja była ŭ nas niadaŭna zarehistravanaja — Soberana Plus», — adznačyła Ina Karaban.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary