Epidemijołah nazvała simptomy amikrona-nindzia, što pryjšoŭ u našu krainu
Zachvorvańnie na novy subvaryjant štama karanavirusa VA 2.75 «amikron-nindzia», jaki raspaŭsiudziŭsia pa śviecie i ŭžo paru tydniaŭ fiksujecca i ŭ Biełarusi, pachodzić na zvyčajnuju prastudu, adnak jość i svaje simptomy.
Pra ich raspaviała sb.by kandydat miedycynskich navuk, zahadčyca kafiedry epidemijałohii BDMU Iryna Valčuk.
— Ciapier u Biełarusi rehistrujucca adzinkavyja vypadki infiekcyi, vyklikanaj štamam «amikron» VA 2.75. Tym nie mienš užo z pačatku žniŭnia epidemijołahi rehistrujuć peŭny rost zachvorvańnia COVID-19, u vieraśni pačniecca bolš značny vitok (što ŭ niemałoj miery źviazana z pačatkam adukacyjnaha pracesu), jaki dasiahnie svajho piku da listapada-śniežnia, — kaža Iryna Valčuk. — Ciapier bolšaść chvorych pieranosić infiekcyju ŭ lohkaj formie, asnoŭnyja simptomy i kliničnyja prajavy nahadvajuć tyja, što byvajuć pry siezonnych VRI, pakolki pierš za ŭsio «nindzia» paražaje mienavita vierchnija dychalnyja šlachi:
— pavyšeńnie tempieratury da 38 hradusaŭ, a ŭ niekatorych vypadkach i vyšej;
— łamota ŭ myšcach i sustavach;
— načnaja patlivaść;
— zakładzienaść nosa, nasmark;
— achrypłaść abo piaršeńnie ŭ horle;
— čychańnie i suchi kašal;
— źnižeńnie apietytu, słabaść, hałaŭnyja boli;
— parušeńni pracy straŭnikava-kišačnaha traktu (ŽKT) — u infikavanych mohuć naziracca młosnaść, vanity, bol abo ŭzdućcie ŭ žyvacie, piakotka, a taksama dyareja;
— niačasta adznačajecca strata smaku i niuchu;
— u dziaciej mahčymyja vysypańni na skury.
Kamientary