Vahańnie kursu biełaruskaha rubla da košyka valut u 2010 hodzie zapłanavana na ŭzroŭni plus‑minus 5%.
Pra heta 26 vieraśnia na pasiadžeńni Savieta ministraŭ paviedamiŭ kiraŭnik Nacyjanalnaha banka Piotr Prakapovič.
Pradstaŭlajučy prajekt asnoŭnych kirunkaŭ hrašova‑kredytnaj palityki na 2010 hod, jon adznačyŭ, što dakumient «skiravany na vyrašeńnie dźviuch hałoŭnych zadač: vykanańnie pakazčykaŭ sacyjalna‑ekanamičnaha raźvićcia i vysokaha ekanamičnaha rostu — z adnaho boku, i na stabilny stan finansavaj i bankaŭskaj sistemy — ź inšaha».
U pryvatnaści, adznačyŭ Prakapovič, ekanamičny rost budzie zabiaśpiečvacca stabilnaściu nacyjanalnaj valuty i značnym rostam kredytnych resursaŭ.
Akramia abmiežavańnia kalidora vahańniaŭ nacvaluty plus‑minus 5% u nastupnym hodzie Nacbank zapłanavaŭ pavialičyć abjom kredytavańnia ekanomiki na 29—34%. «Heta ŭ niekalki razoŭ apiaredžvaje płanavany rost VUP i stvaraje adpaviednuju padušku biaśpieki dla ekanomiki», — adznačyŭ kiraŭnik Nacbanka.
Akramia taho, u 2010 hodzie płanujecca źnizić pamier pracentnych stavak pa kredytach i depazitach. Da kanca hoda, paviedamiŭ Prakapovič, staŭka refinansavańnia moža bić panižana da 9—12%, a staŭka rublovych kredytaŭ — da 12—15%.
Prakapovič taksama padkreśliŭ, što prajekt praduhledžvaje ŭzmacnieńnie patrabavańniaŭ da bankaŭ z boku bankaŭskaha nahladu i naroščvańnie resursnaj bazy bankaŭ na 30%.
Pry paśpiachovym vyrašeńni zapłanavanych zadač «my zabiaśpiečym vysoki ekanamičny rost, stabilnaść i značnaje panižeńnie niehatyŭnych źjaŭ», ličyć — kiraŭnik Nacbanka.
Kamientary