Aleh Ałkajeŭ kiravaŭ SIZA №1 na Vaładarskaha ŭ Minsku piać hadoŭ, z 1996-ha pa 2001 hod, kali byŭ vymušany emihravać u Niamieččynu, ratujučysia ad pieraśledu ŭładaŭ. Jamu było 69 hadoŭ.
Aleh Ałkajeŭ pamior siońnia, 20 vieraśnia, a 5-j ranicy, paviedamiŭ «Našaj Nivie» jaho siabar. Pryčyna śmierci pakul nieviadomaja, budzie sudmiedekśpiertyza. Siabar miarkuje, što pryčynaj śmierci moh stać tromb.
Pachavańnie adbudziecca ŭ Bierlinie.
Mienavita Ałkajeŭ u 2001-m zajaviŭ uhołas, što biełaruskija ŭłady mohuć być datyčnyja da źniknieńnia i mierkavanaha zabojstva biełaruskich palitykaŭ — apanientaŭ Łukašenki — staršyni Centrvybarkama Viktara Hančara, ministra ŭnutranych spraŭ Juryja Zacharanki i biznesmiena Anatola Krasoŭskaha.
Ałkajeŭ zmoh vyvieźci knihu ŭliku vydačy zbroi, u jakoj zafiksavana, što ŭ dni, kali źnikli ludzi, jon pieradaŭ rasstrelny pistalet pa rasparadžeńni ministra ŭnutranych spraŭ. Pry hetym rasstreły pavodle prysudaŭ u hety čas nie pravodzilisia.
Čytajcie taksama:
Ałkajeŭ: pra eskadrony śmierci, ucioki z turmy i pra toje, adkul biarecca sadyzm siłavikoŭ
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary