«Niachaj sankcyj baicca toj, chto ich prydumlaje». Što viadoma pra novaha ministra pramysłovaści?
Ministerstva pramysłovaści ŭznačaliŭ vychadziec z VPK Alaksandr Rahožnik, jaki z 2018 hoda kiravaŭ Minskim matornym zavodam.
Pasada ministra pramysłovaści zastavałasia vakantnaj amal dva miesiacy. Raniejšaha kiraŭnika viedamstva Piatra Parchomčyka 16 žniŭnia pryznačyli namieśnikam premjer-ministra.
Jak viadoma «Našaj Nivie», Rahožniku davaŭ rekamiendacyju Parchomčyk, jaki da pasady va ŭradzie taksama pracavaŭ u mašynabudavańni.
Alaksandru Rahožniku 46 hod, jon rodam z Homiela. Skončyŭ tamtejšy ŭniviersitet imia Skaryny pa śpiecyjalnaści «Buchhałtarski ŭlik, kantrol i analiz haspadarčaj dziejnaści».
Słužyŭ va ŭnutranych vojskach.
Pracoŭnuju karjeru pačaŭ ź inśpiektara adździeła mytnaha punkta «Homiel-Pasažyrski». Byŭ supracoŭnikam administracyi svabodnaj zony «Homiel-Raton». Rabiŭ u Ministerstvie enierhietyki daradcam ekanamičnaha ŭpraŭleńnia.
Z 2003-ha pa 2006-y kiravaŭ pryvatnymi handlovymi pradpryjemstvami, a potym viarnuŭsia ŭ Ministerstva enierhietyki.
Dva hady Rahožnik prabyŭ na čynoŭnickaj pasadzie — uznačalvaŭ upraŭleńnie ekanomiki administracyi Leninskaha rajona Minska.
Dalej jamu daručyli kiravać «Kanstruktarskim biuro dakładnaha elektronnaha mašynabudavańnia — Inžynierna-techničnym centram».
Hetaje pryvatnaje pradpryjemstva vyrablaje śpiecyjalnaje technałahičnaje abstalavańnie dla mikraelektroniki i miedycyny. Jaho pradukcyja vykarystoŭvajecca ŭ vajskova-pramysłovym kompleksie.
Pa skančeńni ŭ 2011 hodzie Akademii pry prezidencie mieniedžarskaja karjera Rahožnika pajšła ŭharu.
Jaho pryznačali dyrektaram adkrytaha akcyjaniernaha tavarystva «Optaelektronnyja sistemy», jakoje taksama źviazanaje z vyrabam pradukcyi abaronnaha pryznačeńnia.
Na im vyrablajecca pradukcyja dla dalejšaha vykarystańnia ŭ elektronnaj technicy, u nana— i bijatechnałohijach, u kantrolnych apieracyjach technałahičnych pracesaŭ.
Kiravać Minskim matornym zavodam Rahožnika pastavili ŭ 2018 hodzie.
«Kalektyŭ MMZ upeŭniena idzie pa šlachu inavacyjnaha raźvićcia, my vypuskajem ekspartna aryjentavanuju pradukcyju, pastajanna pašyrajem liniejku ruchavikoŭ i asartymient vyrabaŭ», — chvaliŭsia jon.
Letaś jamu padziakavaŭ Łukašenka «za šmathadovuju plonnuju pracu, vysoki prafiesijanalizm, značny ŭniosak u raźvićcio pramysłovaha kompleksu».
Napiaredadni poŭnamaštabnaha ŭvarvańnia Rasii va Ukrainu, havoračy pra sankcyi, Rahožnik zajaŭlaŭ: «Niachaj sankcyj baicca toj, chto ich prydumlaje».
Na jaho dumku, sankcyjnyja abmiežavańni možna pieražyć, kaapierujučysia z rasijskimi i kitajskimi pradpryjemstvami.
Łukašenka čakaje ad novaha ministra, što pry im pradpryjemstvy buduć aktyŭna naroščvać impartazamiaščeńnie i apiaredžvać kankurentaŭ na rynku.
Tyja, chto znajomy z Rahožnikam, adznačajuć, što jon amatar strohich harnituraŭ.
-
«Zarobak startavaŭ z $440». Biełaruski raskazali, jak pracujuć i zarablajuć na Blizkim Uschodzie
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka77
Kamientary