Vynieśli žorstki prysud taksistu ź Lidy za paviedamleńni ŭ telehramie i znojdzienyja «vožyki» ŭ haražy
U Hrodzienskim abłasnym sudzie vynieśli prysud 28-hadovamu kiroŭcu taksi ź Lidy Edvardu Vilčeŭskamu — dzieviać hadoŭ kałonii va ŭmovach uzmocnienaha režymu, paviedamlaje «Viasna».
Zhodna ź viersijaj abvinavačvańnia, Vilčeŭski «pakidaŭ ekstremisckija paviedamleńni, jakija źmiaščajuć padachvočvańni, zacikaŭlenaści i hatovaści da stvareńnia ŭzbrojenych abjadnańniaŭ dziela procidziejańnia supracoŭnikam pravaachoŭnych orhanaŭ, padachvočvańnia da dziejańniaŭ, nakiravanych na pryčynieńnie škody, hvałtu nad asobaj z pryčyny vykanańnia hramadskaha abaviazku, u tym liku ŭ dačynieńni da supracoŭnikaŭ HUUS z pryčyny vykanańnia imi słužbovaj dziejnaści».
Jaho asudzili pavodle nastupnych artykułaŭ Kryminalnaha kodeksa: č. 1 art. 130 KK (raspalvańnie inšaj sacyjalnaj varožaści); art. 369 (abraza pradstaŭnika ŭłady); č. 1 art. 293 (arhanizacyja masavych biesparadkaŭ); č. 1 art. 13, č. 2 art. 293 (padrychtoŭka da ŭdziełu ŭ masavych biesparadkach); art. 364 (pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Prysud vynies sudździa Mikałaj Račynski.
Pad vartaj mužčyna znachodzicca z 19 krasavika 2022 hoda. 14 lipienia Edvarda ŭklučyli ŭ «śpis terarystaŭ». Mužčyna ŭtrymlivajecca ŭ hrodzienskaj turmie.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary