FSB nazvała arhanizataram vybuchu na Krymskim moście kiraŭnika vajskovaj raźviedki Ukrainy Kiryła Budanava
FSB sumiesna z SK ustanaviła 12 saŭdzielnikaŭ padrychtoŭki vybuchu na Krymskim moście, vosiem ź ich — piać rasijan i troje hramadzian Ukrainy i Armienii — zatrymanyja, paviedamlaje FSB.
Taksama viedamstva adčytałasia ab zatrymańni vaśmi čałaviek — heta piać hramadzian Rasii, troje hramadzian Ukrainy i Armienii. «Rasśledavańnie «terakta» praciahvajecca. Usie jaho arhanizatary i saŭdzielniki, u tym liku zamiežnyja hramadzianie, buduć pryciahnutyja da adkaznaści ŭ adpaviednaści z rasijskim zakanadaŭstvam», — paviedamili ŭ FSB.
Taksama tam raspaviali pra vybuchovuju pryładu. Jaje zakamuflavali pad rułony z polietylenavaj plonkaj na paletach ahulnaj vahoj bolš za 22 tony, na pačatku žniŭnia adpravili z porta Adesy ŭ bałharski Rusie. Paźniej hruz apynuŭsia ŭ Armienii, dzie źmianili jaho dakumienty, a potym pierakročyŭ miažu ŭ Vierchnim Łarsie i byŭ dastaŭleny na aptovuju bazu Armavira (tam jašče raz padmianili dakumienty). 7 kastryčnika palety byli zahružanyja ŭ hruzavy aŭtamabil Machira Jusupava, jaki vyjechaŭ u Simfieropal.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary