MZS Litvy: Lačyć biełarusaŭ u sanatoryi «Biełaruś» u Druskienikach možna pa ŭchvaleńni ofisa Cichanoŭskaj
Sanatoryj «Biełaruś», jaki naležyć Biełarusi, skardzicca, što Litva nie vydaje vizy hramadzianam Biełarusi, tamu jany vymušanyja zvolnić 1/4 častku piersanału. Ministerstva zamiežnych spraŭ Litvy prapanuje ŭzhadniać śpisy tych, chto pryjazdžaje ŭ sanatoryj, z ofisam Śviatłany Cichanoŭskaj.
«My prapanujem sanatoryju «Biełaruś» źviartacca ŭ ofis Cichanoŭskaj, pradstaŭlać jamu śpis hramadzian Biełarusi, jakija majuć namier pryjechać na lačeńnie, i atrymać jaho dazvoł na pryjezd hetych ludziej», — skazana ŭ kamientary MZS, jaki atrymała vydańnie BNS.
«Paśla atrymańnia adabreńnia i rekamiendacyj ofisa Cichanoŭskaj MZS hatovy razhledzieć pytańnie vydačy viz», — piša MZS.
17 kastryčnika sanatoryj paviedamiŭ litoŭskaj słužbie zaniataści ab tym, što najbližejšym časam zvolnić kala 60 rabotnikaŭ (1/4 usiaho piersanału). Jak raspavioŭ tady BNS kiraŭnik i hałoŭny doktar sanatoryja Illa Jepifanaŭ, sanatoryj zmušany skaracić piersanał, pakolki z pačatkam vajny z Ukrainaj MZS spyniŭ vydaču viz biełaruskim hramadzianam, u tym liku niepaŭnaletnim.
«MZS Litvy nie zhadžajecca być pasiarednikam u vydačy vizaŭ dla ŭjezdu ŭ Litvu dla lačeńnia i reabilitacyi dziaciej ź Biełarusi. Da vajny va Ukrainie my štomiesiac prymali kala 50 chvorych dziaciej z roznymi dyjahnazami», — raspavioŭ BNS kiraŭnik sanatoryja. Pavodle jaho, zaraz sanatoryj absłuhoŭvaje tolki pacyjentaŭ z krain Jeŭrasajuza.
Skaračeńnie supracoŭnikaŭ sanatoryja ŭžo druhoje sioleta — u červieni byŭ zvolnieny 51 čałaviek: miedsiostry, vychavalniki, nastaŭniki, fizijaterapieŭty.
U śniežni 2020 hoda, praz uviedzienyja Jeŭraźviazam sankcyi ŭ dačynieńni da Biełarusi, bank Swedbank zamaroziŭ rachunki sanatoryja, jany byli razbłakavanyja ŭ lipieni minułaha hoda.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami22
Kamientary
był na šieje biełarusa odin barin, tak tiepieŕ jeŝie odnu baryniu-sud́bovieršitielnicu prisiesť zachotieli...
Potom priedłožiť tiem biełorusam, kotoryje siejčas vynuždieny žiť v Litvie i nie imiejut postojannych dochodov i miesta žilja vriemienno trudoustroiťsia tuda ili nabrať sriedi litovciev.
Potom priedłožiť tuda na rieabilitaciju biełarusov i ukrainciev s vojny.
u svoj čas pryhoža ŭjechała (vjechała), kinuŭšy tut pad kuli i dubinki biazzbrojnych ludziej, pryhoža tam pažyła, a ciapier budzie rašać, kamu ź biełarusaŭ tudy možna, a kamu nie? na jakoj jurydyčnaj (pra maralnuju havorki niama) padstavie?
tak - ofis u svoj čas atrymaŭ dypstatus u Lituvie ad letuviskaj MZS, ale "«Kartačka akredytacyi daje prava na zakonnych padstavach znachodzicca na terytoryi Litoŭskaj Respubliki. Dadatkovych pryvilejaŭ nie praduhledžana», - rastłumačyli ŭ viedamstvie."