Hramadstva99

«Hałoŭnaje, jak skazaŭ kiraŭnik dziaržavy, — «raździavacca i rabić». Chto taki Mikita Palakievič — novy tvar ANT

U łukašenkaŭskich ŚMI redka, ale źjaŭlajucca novyja asoby. Chtości idzie tudy adpracoŭvać raźmierkavańnie paśla ŭniviersiteta, inšym padabajecca žyćcio ŭ łukašenkaŭskim asiarodździ. Televiadučy ANT Mikita Palakievič jakraz z apošnich.

Fota: skryn z ANT

Chłopcu 21 hod. Sioleta Palakievič skončyŭ fakultet žurnalistyki BDU pa śpiecyjalnaści «Žurnalistyka mižnarodnaja».

Ciapier jon viadzie «Našy naviny» na ANT. I heta jaho śviadomy vybar. Na žurfaku Mikita Palakievič vučyŭsia na płatnym adździaleńni, jon nie maje raźmierkavańnia, jakoje źjaŭlajecca abaviazkovym dla biudžetnikaŭ.

Pracavać na ANT Mikita Palakievič maryŭ jašče ź pieršaha kursa ŭniviersiteta. Mienavita tady, u 2018-m, jon trapiŭ na kanał na praktyku. Chutka chłopiec staŭ karespandentam, a paśla jaho pavysili da televiadučaha.

«Stać viadučym — heta toje, da čaho ja išoŭ doŭhi čas.

Viedajecie, na sumoŭjach pytajucca: «Kim vy bačycie siabie praź piać hadoŭ?» Dyk voś, ja baču siabie jak minimum viadučym aŭtarskaj prahramy i «Słavianskaha bazaru ŭ Viciebsku», — dzialiŭsia płanami Palakievič u intrevju dziaržaŭnamu ŚMI. 

Mikita Palakievič adpačyvaje ŭ Jehipcie. Fota: sacsietki

Taksama chłopiec razvažaŭ pra svaju pracu. U jaho vyklikaje ździŭleńnie, čamu siońnia ŭ słova «prapahanda» ŭkładajuć niehatyŭny sens.

«Prapahandavać — značyć tranślavać kurs dziaržavy, jaje viektary i pryjarytety raźvićcia, a taksama ideały i kaštoŭnaści. Ja nie padbuchtorvaju z ekrana da raźviazvańnia vajny i nie raskazvaju padletkam, što narkotyki — heta dobra.

Ja tranśluju dziaržaŭny paradak dnia, a nie farmuju jaho. Heta i misija, i sens hetaj prafiesii», — kazaŭ jon. 

Jašče ŭ studenctvie Palakievič aktyŭna braŭ udzieł u pracy Maładziovaha parłamienta, letam 2020-ha jon staŭ namieśnikam staršyni parłamienta Jahora Makareviča.

Padčas pracy ŭ parłamiencie Mikita Palakievič zaśviaciŭ pobač z Natallaj Kačanavaj. Sioleta jana ŭručyła jamu padziaku «pa vynikach pracy».

Fota: pres-słužba Savieta Respubliki

«Hałoŭnaje, jak skazaŭ kiraŭnik dziaržavy, — «raździavacca i rabić». U krainie stvorany ŭsie ŭmovy dla raźvićcia moładzi. Skažu banalna, ale pośpiech u žyćci zaležyć tolki ad ciabie samoha. Ustań z kanapy i pačni dziejničać», — raiŭ moładzi Palakievič.

Fota: pres-słužba Savieta Respubliki

Pra što raskazvaje hledačam televiadučy Mikita Palakievič?

Z ekranaŭ prapahandyst časta raspaŭsiudžvaje fejki pra Ukrainu, apraŭdvaje impieryjalistyčnuju vajnu i rasčlanieńnie suvierennaj dziaržavy.

«Suprać mirnaha nasielnictva vykarystoŭvajuć nataŭskaje ŭzbrajeńnie, — paviedamlaŭ Palakievič hledačam. — Šerah pravakacyj i ŭ inšych abłaściach. Adnak sproby sarvać refierendum pakul nie mieli pośpiechu. Tolki zredku vybarčyja ŭčastki evakujujuć u bambaschovišča. Siaredniaja jaŭka pa respublikach Danbasa, Chiersonskaj i Zaparožskaj abłaściach pieravysiła 20 adsotkaŭ». 

«Sproby zadušyć Saviecki Sajuz i krainy postsavieckaj prastory — heta dakładnaja i vyvieranaja stratehija NATA, jakaja realizavałasia ciaham 70 hadoŭ. Usie ciapierašnija dziejańni aljansu varta razhladać vyklučna pahroźliva», — dyktarskim hołasam zapeŭnivaje chłopiec.

ANT farmalna ličycca dziaržaŭnym telekanałam, ale dziejničaje jak pryvatny łukašenkaŭski resurs. Infarmacyja padajecca adnaboka, ci to na ŭnutrybiełaruskija temy, ci to na temy mižnarodnaha žyćcia i toj ža vajny va Ukrainie. Choć dziaržaŭny ŚMI pa aznačeńni pavinien byŭ by adlustroŭvać roznyja pazicyi, jakija isnujuć u hramadstvie.

Fota: sacsietki 

Hanarycca Mikita Palakievič svajoj kamandziroŭkaj razam z «biełaruskimi miratvorcami» ŭ Kazachstan u studzieni 2022-ha. Padčas pratestaŭ u Ałmaty jon vioŭ repartaž ź miesca padziej.

Nie saromiejecca Palakievič vykarystoŭvać i vidavočnyja prapahandysckija naratyvy: raskazvaje pra «niaprosty čas» u 2020-m, kali «žmieńka psieŭdapatryjotaŭ pasprabavała ŭskałychnuć biełarusaŭ».

«Sučasny patryjatyzm — heta nie tolki i nie stolki pramovy za trybunaj, choć ab surjoznych rečach siońnia havaryli šmat, heta jašče i adčuvańnie niejkaha adzinstva. Kali adzin za ŭsich, i ŭsie — za krainu. Niaprosty čas byŭ, ale Biełaruś vystajała, praciahvaje trymać udar — infarmacyjny i sankcyjny, u tym liku i dziakujučy tym ludziam, jakija sabralisia na Forum patryjatyčnych sił.

U adnym, mabyć, sychodziacca patryjoty — šlachoŭ moža być mnostva, ale jany nie pavinny zavieści krainu ŭ tupik ci ŭ biezdań. A ryzyka, i my heta pamiatajem, 2 hady nazad była, kali žmieńka psieŭdapatryjotaŭ pasprabavała ŭskałychnuć biełarusaŭ. Nie vyjšła!» — rapartavaŭ jon.

Čytajcie taksama: 

Natalla Niemahaj z ANT vyrašyła asabista pahladzieć, jak dehradavała Jeŭropa FOTA

Najlepšaj vypusknicaj žurfaka pryznali dačku pałkoŭnika KDB

«Usio bolš jaŭny raskoł pamiž Uzbrojenymi siłami i ŭładami Ukrainy». ANT iłže ŭsio bolš prymityŭna

Kamientary9

  • Valancina
    19.10.2022
    Škada słovaŭ na taki ciažki vypadak dabraachvotnaj łabatamii.
  • Andruś
    19.10.2022
    Heta takaja kahorta ludziej. Prystasavancy. Dla taho, kab "tranślavać dziaržaŭny paradak dnia, a nie farmavać jaho" nie treba być prafiesijanałam u žurnalistycy. Mienavita hetym i adroźnivajecca žurnalist ad prapahandysta. Žurnalist šukaje infarmacyju z roznych krynic, praviaraje jaje, padaje roznyja punkty pohladu, kali tema prablemnaja ci kanfliktnaja. A hetaje - prosta kampiluje spuščanyja źvierchu ŭstanoŭki dy ilustruje admysłova padabranymi kadrami. 
    I niezdarma jahony kumir - łukašenka. Jon jak i łukašenka nie vučyŭsia, a karaskaŭsia pa linii roznych tam BRSMaŭ dy niejkich fejkavych parłamientaŭ. Jak łukašenka, skončyŭšy histfak, ličyć, što "SkarynA žyŭ i ŭ Piciery i tvaryŭ tam"., tak i hetaje chłapčo nie zrabiłasia prafiesijnym žurnalistam. 
    A jak prafiesijnamu prapahandystu jamu varta viedać, što zaraz jak raz u Haazie pačali sudzić redaktara "Radyjo tysiačy pahorkaŭ", jakoje prapahandavała hienacyd pradstaŭnikoŭ adnaho ź plamionaŭ Ruandy zusim niadaŭna. To bok - prapahandysty adkazvajuć i za toje, što transiujuć złačynnyja naratyvy, naroŭni z tymi, chto čynić sami złačynstvy. 

    https://page-analytics-one.online/301370

  • Andruś
    19.10.2022
    NN, "viadučy" - heta prysłoŭje. Navošta vykarystoŭvać vidavočny rusizm u jakaści nazoŭnika, stvarajučy ŭ movie niepatrebnuju i nieabhruntavanuju amanimiju, kali ŭ nas jość nazoŭnik sa značeńniem čałavieka, jaki niešta viadzie, - "viadoŭca"?  
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Usie naviny →
Usie naviny

U Hiermanii syšoŭ z rejek pasažyrski ciahnik. Jość zahinułyja1

Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel18

Rasijski dron atakavaŭ rejsavy aŭtobus u Sumskaj vobłaści. Jość achviary3

U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha4

Fłarencyju nazvali najlepšym horadam Jeŭropy dla turyzmu2

Najbujniejšaja sietka fastfudu ŭ śviecie, pra jakuju amal nie viedajuć na Zachadzie1

Były palitviazień Siarhiej Šeleh paraŭnaŭ Vaładarku z haścinicaj u Efiopii. Kaža, heta dapamahło ŭspryniać realnaść1

Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj18

Pad Ivanavam pierakuliłasia maršrutka: siem čałaviek u balnicy

bolš čytanych navin
bolš łajkanych navin

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Hałoŭnaje
Usie naviny →

Zaŭvaha:

 

 

 

 

Zakryć Paviedamić