Pryhožyn stvaraje «centry padrychtoŭki apałčencaŭ» na miažy z Ukrainaj
Pryvatnaja vajennaja kampanija «Vahnier», jakoj kiruje Jaŭhien Pryhožyn, abviaściła pra stvareńnie centraŭ padrychtoŭki i kiravańnia «narodnym apałčeńniem» u Kurskaj i Biełharodskaj abłaściach.
Pa słovach Pryhožyna, «apałčeńnie» pavinna składacca z žycharoŭ hetych abłaściej, a da zabieśpiačeńnia farmiravańniaŭ treba pryciahvać miascovy biznes. «Centry padrychtoŭki» budzie finansavać sam Pryhožyn.
«Kali ty ŭładalnik nievialikaha zavoda, na jakim pracuje 100 čałaviek, i ź ich 50 — pałavaśpiełyja samcy, to 25% pavinny nieści słužbu ŭ akopach, a 75% praciahvać svaju pracoŭnuju dziejnaść. I tak pa čarzie — adzin tydzień u akopach, try doma i na vytvorčaści».
Taksama Pryhožyn prapanavaŭ u jakaści zaachvočvańnia «za hramadzianskuju pazicyju» ŭznaharodžvać vysokimi dziaržaŭnymi ŭznaharodami pradpryjemstvy, jakija buduć pradastaŭlać dobraachvotnikaŭ.
Pa słovach Pryhožyna, «u akopach usie pavinny stajać sa zbrojaj, ale jaje našeńnie pavinna być zabaroniena ŭ nasielenych punktach i pa-za linijaj abarony».
Kamientary