Jeŭrakamisija prapanavała karać za abychodžańnie sankcyj turemnymi terminami
Jeŭrakamisija apublikavała prajekt dyrektyvy z prapanovaj uvieści kryminalnuju adkaznaść za abychodžańnie sankcyj. U pryvatnaści, fizičnym asobam heta moža kaštavać pazbaŭleńnia voli terminam na 5 hadoŭ, a dla jurydyčnych asob prapanujecca štraf u pamiery 5 % ad hadavoha abarotu.
U dakumiencie havorycca, što novaja miera ŭskładnić vykarystańnie roznych jurysdykcyj unutry ES dla ihnaravańnia sankcyj.
«Vyjaŭlenaja składanaść ustanaŭleńnia aktyvaŭ aliharchaŭ, jakija chavajuć ich u roznych jurysdykcyja šlacham stvareńnia jurydyčnych i finansavych struktur. Prapanavanaja dyrektyva vyznačaje ahulny standart pakarańnia ŭ Jeŭrasajuzie. Heta likviduje jurydyčnyja ščyliny i pavysić faktar strymlivańnia ŭ dačynieńni da parušeńnia sankcyj ES», — havorycca ŭ prajekcie dyrektyvy.
Pierad hetym, 28 listapada, Rada Jeŭrasajuza zaćvierdziła rašeńnie ŭklučyć abychodžańnie abo parušeńnie jeŭrapiejskich sankcyj u śpis kryminalnych złačynstvaŭ u ES.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ70
Kamientary