Śviatłana Cichanoŭskaja siońnia znachodzicca ź vizitam u Hdańsku, dzie sustrełasia ź lidaram polskaj «Salidarnaści», łaŭreatam Nobieleŭskaj premii miru, byłym prezidentam Polščy Lecham Vałensam. Vałensa apublikavaŭ na svajoj staroncy ŭ fejsbuku sumiesnyja fota.
«Važnaja sustreča. Spadarynia Śviatłana Cichanoŭskaja. Razmova pra Biełaruś, Polšču, Jeŭropu i śviet. Vajnu i mir. I budučyniu, čas, jaki napieradzie», — napisaŭ Vałensa.
Sama Cichanoŭskaja adznačyła, što Vałensa pavinšavaŭ Alesia Bialackaha i ŭsich biełarusaŭ z Nobieleŭskaj premijaj miru.
«Jon skazaŭ, što ŭ jahony čas hetaja ŭznaharoda dała vielizarny šturšok polskaj «Salidarnaści». Prezident Vałensa pierakanaŭ mianie, što my pieramožam. Ja nie mahu nie pahadzicca», — napisała jana pa vynikach sustrečy.
Siońnia Śviatłana Cichanoŭskaja i pradstaŭniki miascovaj biełaruskaj hramady sustrakajucca taksama ŭ Varšavie z prezidentam Polščy Andžejem Dudam.
Čytajcie taksama:
Lech Vałensa: Kali raniej nie było internetu, to vypichvańnie z krainy mieła sens. A ciapier možna ź luboha miesca zmahacca
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary