Ekanomika33

Jak padaraželi za hod aliŭje i sieladziec pad šubaj

Hod tamu my vyśvietlili, što inhredyjenty lubimych sałataŭ daraželi chutčej za aficyjnuju inflacyju. A što sioleta: ci akazalisia zamarozki cen efiektyŭnymi?

Dyskłejmier: naš materyjał nie pretenduje na surjoznaje daśledavańnie. Biełstat, čyjoj infarmacyjaj my karystalisia, nie daje infarmacyi pra siarednija ceny na niekatoryja pradukty kštałtu salonych ahurkoŭ ci kansiervavanaha harošku (zamiest ich uziatyja ceny z katehoryi «kansiervavanaja harodnina»). Infarmacyja statystyčnaha orhana abahulnienaja: nie ŭličvaje, naprykład, tłustaść majanezu, katehoryju jajek i h. d. Taksama nie ŭličvalisia vydatki na pryhatavańnie — a kamunalnyja pasłuhi ŭ Biełarusi nie tańniejuć.

«Aliŭje»

Dla raźliku cany sałata «Aliŭje» my ŭziali nastupny recept: kansiervavanyja ahurki (500 hramaŭ), harošak (380 hramaŭ), bulba (500 hramaŭ), morkva (200 hramaŭ), kurynyja jajki (4 štuki), varanaja kaŭbasa (300 hramaŭ), majanez (200 hramaŭ), repčataja cybula (100 hramaŭ).

«Aliŭje» Listapad 2021 Listapad 2022 Inflacyja, %
Kansiervavanyja ahurki, 1 kh (porcyja) 6,79 (3,40) 8,15 (4,08) 20,03
Harošak, 1 kh (porcyja) 6,79 (2,58) 8,15 (3,10) 20,03
Bulba, 1 kh (porcyja) 1,3 (0,65) 0,91 (0,46) -30
Morkva, 1 kh (porcyja) 1,25 (0,25) 0,92 (0,18) -26,40
Jajki, dziasiatak (porcyja) 2,63 (1,05) 2,99 (1,20) 13,69
Varanaja kaŭbasa v/h, 1 kh (porcyja) 8,11 (2,43) 9,15 (2,75) 12,82
Majanez, 1 kh (porcyja) 7,82 (1,56) 9,35 (1,87) 19,57
Repčataja cybula, 1 kh (porcyja) 1,33 (0,13) 1,3 (0,13) -2,26
Suma za porcyju 12,06 13,77 14,18

Paśla istotnaha rostu ŭ minułym hodzie sioleta harodnina patańnieła. Astatnija tavary ž zvykła daraželi, što dało vynikovy rost cany porcyi «Aliŭje» na 14 pracentaŭ.

Heta adpaviadaje hadavoj inflacyi pa padlikach Nacbanka.

Nahadajem, što letaś hety sałat padaražeŭ na 20%.

«Sieladziec pad šubaj»

Dla acenki koštu «Sieladca pad šubaj» uziali taki recept: salony sieladziec (350 hramaŭ), bulba (400 hramaŭ), buraki (350 hramaŭ), morkva (200 hramaŭ), kurynyja jajki (2 štuki), repčataja cybula (100 hramaŭ), majanez (300 hramaŭ).

«Sieladziec pad šubaj» Listapad 2021 Listapad 2022 Inflacyja, %
Salony sieladziec, 1 kh (porcyja) 7,45 (2,61) 8,29 (2,90) 11,28
Bulba, 1 kh (porcyja) 1,3 (0,52) 0,91 (0,36) -30
Buraki, 1 kh (porcyja) 1,27 (0,44) 0,85 (0,30) -33,07
Morkva, 1 kh (porcyja) 1,25 (0,25) 0,92 (0,18) -26,40
Jajki, dziasiatak (porcyja) 2,63 (0,53) 2,99 (0,60) 13,69
Repčataja cybula, 1 kh (porcyja) 1,33 (0,13) 1,3 (0,13) -2,26
Majanez, 1 kh (porcyja) 7,82 (2,35) 9,35 (2,81) 19,57
Suma za porcyju 6,82 7,28 6,74

Letaś «Sieladziec pad šubaj» padaražeŭ jašče bolš za «Aliŭje» (ažno na 36,4%) za košt šalonaj inflacyi na harodninu — buraki, naprykład, za minuły hod vyraśli ŭ canie amal udvaja.

Sioleta amatary hetaha sałata pavinny być zadavolenyja — porcyja prybaviła ŭsiaho 46 kapiejek, ci krychu mienš za 7 pracentaŭ.

Nahadajem, što ŭ našych raźlikach nie ŭličanyja vydatki na pryhatavańnie.

Kamientary3

  • chch
    17.12.2022
    na hetym tydni zajšła ŭ novy mahazin (jon u toj dzień tolki adkryŭsia) z aznajamlalnymi metami. pabačyła tamaty bolš čym za 10 r. i astatniaje takoje ž taksama i...

    nočču mnie śniłasia ježa...
    hatel pa typu "usio ŭklučano", dzie ŭdostal tamataŭ, ahurkoŭ, piercaŭ i inš.
  • Vir
    17.12.2022
    Pryhoža vyhliadajuc` tyja talierački... A ūjavicie, kali b pobač z talieračkami pastavili jasče i "spatnielyja" čarački z absaliutikam(!) u dadatak.... Voj... :) Darečy, koļki kastuje pliasačka Absaliuta ū Bielarusi ? Heta, kab dakladna padličyc` biudžet u ahulie...
  • JANKA
    17.12.2022
    ABIED BIAZBRAČYJA.
    Ja dyk hatuju alaŭje nia nadta mudrahielistaje. U rondal lju vady j staŭlu na plitu. Pryčym, pažadana pstryknuć nieabchodnuju kanforku, što, praŭda, byvaje nie zaŭždy, i ty potym staiš hetki zadumienny nad chałodnaju pas(k)udzinaj. A kali vada ŭsiotki zaburbalaje, kidaju ŭ jaje svaje, u seńsie kurynyja jajki. I ŭžo davoli chutka niaŭhlednyja ruki ŭ kipni vialikodna viesieła j hučna hrukajuć imi adno ab druhoje! A pierad pryhatavańniem alaŭja — uvaha! — nieabchodna abłupić kruta zvaranyja jajki ad škarłupińnia. I krykrykryšyć ich, traplajučy pieravažna ŭ talerku, a nie sabie ŭ tapki. Ale j heta nie kaniec jašče, bo tre' abaviazkova palivać kryšniu majanezam albo pamidornym sovusam. Zatym nia nadta zaŭziata heta ŭsio salić. I pieramiešvać łyžkaju! Praŭda, byvaje (kali byvaje), režu, puskajučy skupuju ślazinu, cybulinu, a zamaračvacca z harošakam ci kiŭbasoju, to prabačcie, niama ŭ hłuzdoch durnych! Syjdzie j hedak. Pojdzie j tak! Bo j tak nie staje ni na što času.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Usie naviny →
Usie naviny

«Havorka pra sotni čałaviek». Za hod u śpisie «ekstremisckich farmavańniaŭ» źjavilisia siem adukacyjnych prajektaŭ6

KDB pryznaŭ «terarystkami» zasnavalnic Imaguru1

Amierykanskaja ambasada ŭ Kijevie papiaredziła pra mahčymy maštabny abstreł Ukrainy1

«Hniły viartlavy pid*ras. I *ujasos». Azaronak nazvaŭ Kaleśnikava z puła Pucina słovami, niezvyčajnymi navat dla svaich efiraŭ15

Ci sapraŭdy možna stracić da 10 kiłahramaŭ padčas snu? Navat bolš!

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

bolš čytanych navin
bolš łajkanych navin

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić