Siezon praciahniecca da 7 śniežnia.
«Asnoŭnaj łakacyjaj u stalicy zastaniecca «Čyžoŭka-Arena», taksama na praciahu ŭsiaho siezona sielskahaspadarčyja kirmašy buduć prachodzić kala Pałaca sportu. Budziem zadziejničać vychodnyja — 20 i 21 vieraśnia, a zatym jašče ŭ kastryčniku i listapadzie. Praviadzieńnie kirmašu kala Pałaca sportu abumoŭlena nieabchodnaściu zabiaśpiečyć dastupnaść prodažu harodniny ajčynnaj vytvorčaści hetaha siezona dla žycharoŭ Centralnaha rajona. Dla ich kirmaš, jaki pravodzicca rajonam, raźmieščany dastatkova daloka ad miesca pražyvańnia», — raskazała načalnik hałoŭnaha ŭpraŭleńnia handlu i pasłuh Minharvykankama Alena Nahornaja.
Kirmašy vychadnoha dnia projduć 20 i 21 vieraśnia na dźviuch placoŭkach u Minsku.
Na placoŭcy kala Pałaca sportu (pr. Pieramožcaŭ, 4) buduć zadziejničany 11 arhanizacyj spažyvieckaj kaapieracyi z usich rehijonaŭ krainy. Ahulnaja praciahłaść handlovych radoŭ kaapierataraŭ pieravysić 80 m.
U vyjaznym kirmašovym handli na placoŭcy kala «Čyžoŭka-Areny» (vuł. Taškienckaja, 19) prymuć udzieł vosiem rajpa i filijałaŭ z čatyroch abłaściej. Ahulnaja praciahłaść handlovych radoŭ arhanizacyj spažyvieckaj kaapieracyi pieravysić 50 m.
U hetym siezonie taksama kala 100 sielskahaspadarčych kirmašoŭ projdzie ŭ Minskaj vobłaści. Jany pačynajuć pracu siońnia i praciahnucca da 1 listapada z ulikam umoŭ nadvorja.
Zhodna z hrafikam, 4 kastryčnika rehijanalny kirmaš projdzie ŭ Barysavie, Baraŭlanach i Maładziečnie, 5 kastryčnika — u Niaśvižy, 11 kastryčnika — u Vilejcy i Salihorsku, 18 kastryčnika — u Žodzinie i Słucku.
Ciapier čytajuć
«Hubazikaŭcy schilajuć Kaleśnikavu da vysyłki, ale jana nie choča»1
Kamientary