Pad Minskam zdajecca vielizarny asabniak u styli baroka FOTY
Vonkava dom vyhladaje raskošna. Unutranaje načyńnie spadabajecca tym, chto fanacieje ad stylu baroka. Dom zajmaje 500 «kvadrataŭ». A niekatoryja pradmiety interjera nahadvajuć hierojaŭ z mulcika «Pryhažunia i Pačvara». Asabniak zdajuć na praciahły termin. Za što prosiać 7 tysiač dalaraŭ u miesiac, piša Realt.by.
Dom znachodzicca ŭ dačnym pasiołku «Kryžoŭka». Jon pabudavany z cehły ŭ 2003 hodzie. Asabniak zajmaje 512,5 m2. Voś što tam jość.
Bolš za ŭsio płoščy adviedziena pad haścinuju, jakaja zdajecca jašče bolšaj za košt druhoha śviatła. Tut ścieny ŭpryhožvaje rośpis ručnoj pracy ŭ italjanskim styli.
Akramia hetaha, u domie jość stałovaja, try spalni z asabistymi sanvuzłami i adna spalnia biez sanvuzła. Ale na hetym kolkaść vannych pakojaŭ nie abmiažoŭvajecca. Ich u domie piać. U adnym jość ubudavanaja ŭ padłohu kruhłaja vanna. Darečy, usia santechnika — ad brenda Villeroy & Boch.
Jość i śpiecyjalizavanyja pakoi. Naprykład, dla dziaciej zroblenaja hulniavaja z muzyčnaj kałonkaj i nastolnymi hulniami. Dla darosłych — zała ź biljardam. U takim asabniaku znajšłosia miesca i dla vannaha pakoja ź idealnym tempieraturnym režymam dla zachoŭvańnia vinaŭ, a taksama majucca dva kabiniety.
Niekatoryja detali interjera nahadvajuć kazku pra «Pryhažuniu i Pačvaru». Takija jany vyraznyja.
Viadoma, kab prybrać taki dom samastojna, treba vydatkavać niekalki dzion. Ale ŭładalniki pradumali pakoj i dla piersanału. Jość navat domik dla achovy, kali što.
Naohuł zajmałasia interjeram dyzajnier. U domie jość rečy i pradmiety z darahich materyjałaŭ: parkiet ručnoj pracy, naturalny kamień, dreva kaštoŭnych parod, dva italjanskija kaminy.
Sam učastak zajmaje kala 15 sotak. U dvary staić ŭciepleny haraž na čatyry aŭtamabili, a taksama jość dźvie altanki. Adna — z kaminam, manhałam i piečkaj — źmiaščaje 30 čałaviek. Druhaja altanka — na 15 čałaviek. Na ŭčastku taksama jość adkryty basiejn, ale jon dla letnich dzion.
Zdajecca doma za siem tysiačaŭ dalaraŭ u miesiac.
Dźmitryj Łukašenka choča pastavić pad kantrol usie mabilnyja telefony11
Kamientary
Vy surjozna?..