Śvietłahorskim «rejkavym partyzanam» za dyviersiju na čaćviorty dzień vajny dali ad 21 da 23 hadoŭ kałonii
U Homielskim abłasnym sudzie ahučyli prysud pa kryminalnaj spravie suprać palitźniavolenych śvietłahorskich «partyzanaŭ». Dźmitryja Raviča asudzili da 22 hadoŭ kałonii va ŭmovach uzmocnienaha režymu, Dzianisa Dzikuna — da 23 hadoŭ, Aleha Małčanava — da 21 hoda, piša «Viasna».
Taksama ŭsich troch aštrafavali na 150 bazavych vieličyniaŭ kožnaha (4800 rubloŭ), a ŭsie kaštoŭnyja rečy, zabranyja padčas pieratrusaŭ u ich doma, kanfiskavali.
Chłopcaŭ abvinavacili ŭ padpale relejnaj šafy sihnalizacyi, centralizacyi i błakavańnia (SCB) na čyhunačnaj stancyi Žerdź — Astankavičy 28 lutaha — na čaćviorty dzień poŭnamaštabnaj vajny va Ukrainie. Taksama ich asudzili za «zdradu dziaržavie» i rehistracyju ŭ płanie «Pieramoha» dy suviaź z BYPOL.
Praces try miesiacy prachodziŭ u zakrytym režymie, tamu pazicyja palitviaźniaŭ pa spravie nieviadomaja. Prysud vynies sudździa Anatol Sotnikaŭ.
Nieŭzabavie źjaviłasia fatahrafija, jak hetyja mužnyja ludzi vyhladali na sudovym pasiadžeńni.
Čytajcie taksama:
Chto jany — troje rejkavych partyzan, jakim pahražaje rasstrełam SK
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany1
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Glory to the heroes!